|
ບົດຄວາມຂອງໜັງສືພິມເຢິນມິນຢື້ປ້າວຈີນຂຽນວ່າ"ໄພ້ສາກົນ"ກູ້"ຄວາມຝັນຕິເບດເອກະລາດ"ບໍ່ໄດ້
cri
ຕາມຂ່າວCRI,ໜັງສືພິມເຢິນມິນຢືປ້າວຂອງຈີນສະບັບວັນທີ22ເມສານີ້ໄດ້ພິມບົດຄວາມ ທີ່ພາດຫົວເລື່ອງວ່າ: "ໄພ້ສາກົນ"ກູ້"ຄວາມຝັນຕິເບດເອກະລາດ"ບໍ່ໄດ້.
ບົດຄວາມຂຽນວ່າ,ຫຼາຍມື້ມານີ້,ໃນຂະນະທີ່ບາງຄົນຂອງປະເທດຕາເວັນຕົກສ້າງກະແສ ການຄັດຄ້ານຈີນໃຫ້ສູງຂຶ້ນ,ດາໄລລາມະກໍ່ເລີ່ມເດີນທາງໄປແຫ່ງຕ່າງໆເພື່ອສ້າງຫາງສຽງ.ຄົນຈຳນວນໜຶ່ງຢາກສວຍໃຊ້ກຸ່ມດາໄລລາມະເພີ່ມແຮງກົດດົນຕໍ່ຈີນ,ສ່ວນກຸ່ມດາໄລລາມະຢາກສວຍໃຊ້ຄົນເຫຼົ່ານີ້ສ້າງຫາງສຽງໃຫ້ຕິເບດເປັນເອກະລາດ,ນີ້ຄືເຈດຕະນາເຮັດໃຫ້ບັນຫາຕິເບດຫັນເປັນບັນຫາສາກົນ,ເພື່ອໃຊ້ແຮງກົດດັນຕໍ່ລັດຖະບານຈີນ.
ບົດຄວາມຂຽນວ່າ, ມາຮອດປັດຈຸບັນ,ບໍ່ມີປະເທດໃດໄດ້ຮັບຮອງອັນທີ່ວ່າຕິເບດເປັນເອກະລາດ.ກຸ່ມດາໄລລາມະຄວນຮູ້ວ່າ"ໄພ້ສາກົນ"ດັ່ງກ່າວບໍ່ໄດ້ຜົນ,ອັນທີ່ວ່າ"ປະຊາຄົມໂລກ"ສະໜັບສະໜູນ,ເຈດຕະນາຢາກໃຫ້ຕິເບດເປັນເອກະລາດນັ້ນ,ປະຊາຊົນຈີນຈະບໍ່ອະນຸຍາດ.ປະຊາຄົມໂລກກໍ່ຈະບໍ່ເອົາຫົວຊານຳ,ເພາະວ່າບັນຫາຕິເບດແມ່ນບັນຫາອະທິປະໄຕ,ບໍ່ມີຊ່ອງຫວ່າງສຳລັບການຕໍ່ລອງໃດໆ.ນີ້ສາມາດເຫັນໄດ້ຈາກຄວາມສາມັກຄີທີ່ບໍ່ເຄີຍມີມາກ່ອນຂອງປະຊາຊົນຈີນແຕ່ເຫດການ14ມີນາມານີ້,ແລະເຫັນໄດ້ຈາກກະແສປະທ້ວງການແບ່ງແຍກຂອງຊາວຈີນແລະຈີນຕ່າງດ້າວຢູ່ຕ່າງປະເທດ.ເວົ້າຈາກຄວາມໝາຍດ້ານນີ້ແລ້ວ,"ໄພ້ສາກົນ"ແມ່ນກູ້"ຄວາມຝັນຕິເບດເອກະລາດ"ບໍ່ໄດ້.
|
|
