ຕາມ​ຂ່າວCRI:ວັນ​ທີ 22 ​ເມສາ​ນີ້,ທ່ານ​ບໍ່​ແສງ​ຄຳ ວົງ​ດາລາ ລັດຖະມົນຕີ​ຊ່ອຍ​ວ່າການກະຊວງ​ຖະ​ແຫຼ​ງຂ່າວ​ແລະ​ວັດທະ​ນະ​ທຳ​ລາວ​ກ່າວ​ວ່າ,ລາວ​ອວຍ ພອນ​ໃຫ້​ງານ​ກິລາ​ໂອ​ລິ​ມປິກ​ປັກ​ກິ່ງຈົ່ງຈັດ​ຂຶ້ນ​ຢ່າງ​ສຳ​ເລັດ​ຜົນ,​ແລະ​ຫວັງ​ໃຫ້​ຄະນະນັກ​ກິລາ​ລາວ​ຈົ່ງ​ໄດ້​ຮັບ​ຫມາກຜົນ​ອັນ​ດີງາມ​ໃນ​ງານ​ກິລາ​ໂອ​ລິ​ມປິກ.

ທ່ານ​ຍັງ​ກ່າວ​ວ່າ,ງານ​ກິລາ​ໂອ​ລິ​ມປິກ​ແມ່ນ​ງານ​ມະຫະກຳດ້ານ​ກິລາ​​ຂອງ​ປະຊາຊົນ​​ໃນ​ທົ່ວ​ໂລກ,ການ​ສົ່ງ​ຕໍ່​ທວນ​ໄຟ​ງານ​ກິລາ​ໂອ​ລິ​ມປິກ​ໃນ​ທົ່ວ​ໂລກ​ນັ້ນ​ມີ​ຜົນ​ປະ​ໂຫຍ​ດຕໍ່​ການ​ຕິດ​ຕໍ່​ພົວພັນ​ລະຫວ່າງ​ປະຊາຊົນ​ໃນ​ໂລກ,ການ​ກະທຳ​ໃດໆ​ທີ່​ກີດຂວາງ​ການ​ສົ່ງ​ຕໍ່​ທວນ​ໄຟ​ງານ​ກິລາ​ໂອ​ລິ​ມປິກ​ລ້ວນ​ແຕ່​ແມ່ນ​ບໍ່​ເຫມາະ​ສົມທີ່​ສຸດ,ຍິ່ງ​ບໍ່ຄວນ​ສວຍ​ໃຊ້​ງານ​ກິລາ​ໂອ​ລິ​ມປິກ​ແລະ​ການ​ສົ່ງ​ຕໍ່​ທວນ​ໄຟ​ມາ​ບັນລຸ​ເປົ້າ​ຫມາຍ​ທາງການ​ເມືອງ.

ທ່ານ​ບໍ່​ແສງ​ຄຳ ວົງ​ດາລາ​​ໄດ້​ເຂົ້າ​ຮ່ວມ​ເວທີ​ປຶກສາ​ຫາລື​ສຸດ​ຍອດການ​ຮ່ວມ​ມື​ວິທະ​ຍຸ-​ໂທລະພາບ​ຈີນ​ອຽນຢູ່​ນະຄອນຫຼວງ​ປັກ​ກິ່ງຕາມຄຳ​ເຊີນຂອງ​ກົມ​ໃຫຍ່​ວິທະຍຸ ຮູບ​ເງົາ​ແລະ​ໂທລະພາບ​​ແຫ່ງ​ຊາດ​ຈີນ.