|
|
 |
| (GMT+08:00)
2008-04-22 15:42:02
|
 |
|
ເວທີປຶກສາຫາລືສຸດຍອດການຮ່ວມມືວິທະຍຸ-ໂທລະພາບຈີນອາຊຽນໄຂຂຶ້ນ
cri
ຕາມຂ່າວCRI,ເວທີປຶກສາຫາລືສຸດຍອດການຮ່ວມມືວິທະຍຸ-ໂທລະພາບຈີນອາຊຽນໄດ້ຈັດຂຶ້ນຢູ່ປັກກິ່ງໃນວັນທີ22ເມສານີ້,ເຈົ້າໜ້າທີ່ພະແນກຄຸ້ມຄອງວິທະຍຸໂທລະພາບຂອງຈີນກັບ10ປະເທດອາຊຽນ,ຜູ່ແທນກອງເລຂາອາຊຽນພ້ອມດ້ວຍຜູ່ແທນຂອງວິທະຍຸແລະໂທລະພາບ ປະມານ100ຄົນໄດ້ເຂົ້າຮ່ວມພິທີໄຂກອງປະຊຸມ.
ໃນພິທີໄຂກອງປະຊຸມ,ທ່ານວາງທ້າຍຮວາ ຫົວໜ້າກົມໃຫຍ່ວິທະຍຸຮູບເງົາແລະໂທລະພາບແຫ່ງຊາດຈີນໄດ້ກ່າວຄຳອວຍພອນວ່າ,ຫວັງໃຫ້ເວທີປຶກສາຫາລືເທື່ອນີ້ສາມາດເພີ່ມທະວີການແລກປ່ຽນແລະການຮ່ວມມືໃນດ້ານວິທະຍຸໂທລະພາບລະຫວ່າງຈີນກັບອາຊຽນ,ຊຸກຍູ້ການພັດທະນາຮ່ວມກັນ.
ໃນພິທີໄຂກອງປະຊຸມ,ທ່ານນາງລີຢູທຽງ ຫົວໜ້າພະແນກວັດທະນະທຳແລະຖະແຫຼງຂ່າວກອງເລຂາອາຊຽນກ່າວວ່າ,ການຮ່ວມມືໃນຂົງເຂດຕ່າງໆເຊິ່ງລວມທັງຂົງເຂດສື່ມວນຊົນລະຫວ່າງຈີນກັບອາຊຽນພັດທະນາໄວທີ່ສຸດ,ແລະຫວັງໃຫ້ວິທະຍຸແລະໂທລະພາບຂອງສອງຝ່າຍສ້າງການພົວພັນຮ່ວມມືທີ່ແໜ້ນແຟ້ນກວ່າເກົ່າ.
ເວທີປຶກສາຫາລືເທື່ອນີ້ມີຫົວຂໍ້ວ່າ,ການແລກປ່ຽນການຮ່ວມມືແລະການພັດທະນາ.ໃນເວລາກອງປະຊຸມສິ້ນສຸດລົງ,ສອງຝ່າຍຍັງຈະອອກຖະແຫຼງການປັກກິ່ງແລະເຊັນສັນຍາຮ່ວມມືດ້ານວິທະຍຸ-ໂທລະພາບລະຫວ່າງສອງຝ່າຍອີກ.
|
|
|
