|
ເຈົ້າໜ້າທີ່ອາເມລິກາເວົ້າທານຂວັນຕໍ່ວຽກງານຕິເບດຊຶ່ງເປັນວຽກງານພາຍໃນຂອງຈີນນັ້ນໄດ້ລະເມີດຫຼັກມາດຖານພື້ນຖານຂອງການພົວພັນລະຫວ່າງຊາດຢ່າງໜັກໜ່ວງ
cri
Author: d
ຕາມຂ່າວCRI: ວັນທີ22ເມສານີ້ ຢູ່ປັກກິ່ງ ນາງຈ່ຽງອີ ໂຄສົກກະຊວງການຕ່າງປະເທດຈີນກ່າວວ່າ,ເຈົ້າໜ້າທີ່ກະຊວງການຕ່າງປະເທດອາເມລິກາບໍ່ເອົາຫົວຊານຳການຄັດຄ້ານຢ່າງເດັດດ່ຽວຂອງຈີນ,ຕັ້ງໃຈພົບປະດາໄລລາມະ,ແລະເວົ້າທານຂວັນຕໍ່ວຽກງານຕິເບດຊຶ່ງເປັນວຽກງານພາຍໃນຂອງຈີນ,ນີ້ໄດ້ລະເມີດຫຼັກມາດຖານພື້ນຖານຂອງການພົວພັນລະຫວ່າງຊາດຢ່າງໜັກໜ່ວງ,ແຊກແຊງວຽກງານພາຍໃນຂອງຈີນ,ແມ່ນການກະທຳທີ່ຜິດພາດແລະບໍ່ຮັບຜິດຊອບທີ່ສຸດ.ຈີນໄດ້ສະເໜີການຕໍ່ວ່າຕໍ່ຂານຢ່າງເຄັ່ງຂືມຕໍ່ອາເມລິກາແລ້ວ.
ຕາມຂ່າວແຈ້ງວ່າ,ວັນທີ21ເມສານີ້ ທ່ານພໍລາ ແຈ ໂດບຼີຢຽນສກີ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາໄດ້ພົບປະດາໄລລາມະແລະຂຽນບົດຄວາມລົງໃສ່ໜັງສືພິມວໍຊິງຕັນໂພສ໌ໂດຍຂຽນວ່າ,"ເຫດການຕິເບດ"ສ່ອງແສງໃຫ້ເຫັນ"ຄວາມກົດຂີ່"ຂອງລັດຖະບານຈີນຕໍ່ຄວາມເສລີພາບໃນດ້ານສາສະໜາ ວັດທະນະທຳແລະອື່ນໆຂອງຕິເບດເປັນເວລາຍາວນານ,ການສົນທະນາກັບດາໄລລາມະແມ່ນຊ່ອງທາງທີ່ດີທີ່ສຸດໃນການແກ້ໄຂຄວາມເອົາໃຈໃສ່ຂອງຊາວຕິເບດ.
ກ່ຽວກັບເລື່ອງນີ້ ນາງຈ່ຽງອີຕອບຄຳຖາມຂອງນັກຂ່າວວ່າ,ເຫດການຈະລາຈົນດ້ວຍຄວາມຮຸນແຮງຢູ່ລາຊາໃນວັນທີ14ມີນາ,ແມ່ນກຸ່ມດາໄລລາມະຕັ້ງໃຈວາງແຜນແລະຄົບຄິດກັບອິດທິກຳລັງແບ່ງແຍກຕິເບດເປັນເອກະລາດຢູ່ຈີນແລະຢູ່ຕ່າງປະເທດກໍ່ຂຶ້ນ.ຈີນເຕືອນໃຫ້ອາເມລິກາໂຄລົບຄວາມເປັນຈິງ,ຢຸດຕິການສະໜັບສະໜູນແລະປ່ອຍໃຫ້ກຸ່ມດາໄລລາມະຕັດແຍກຈີນ,ເພື່ອຫຼີກເວັ້ນບໍ່ໃຫ້ທຳລາຍການພົວພັນລະຫວ່າງຈີນກັບອາເມລິກາແລະໂສມໜ້າຂອງອາເມລິກາ.
|
|
