|
ຜູ່ຊ່ຽວຊານດ້ານສິດທິມະນຸດເຫັນວ່າ ອັນທີ່ວ່າ"ບັນຫາສິດທິມະນຸດຂອງຕິເບດ"ທີ່ຈິງແລ້ວແມ່ນປະເທດຕາເວັນຕົກຈຳນວນໜຶ່ງສວຍໃຊ້ບັນຫາຕິເບດມາແຊກແຊງວຽກງານພາຍໃນຂອງຈີນ
cri
ຕາມຂ່າວສານຊິນຮວາ,ເວທີປຶກສາຫາລືສິດທິມະນຸດປັກກິ່ງຄັ້ງທຳອິດໄດ້ອັດລົງແລ້ວຢູ່ທີ່ປັກກິ່ງ,ຜູ່ຊ່ຽວຊານດ້ານສິດທິມະນຸດຂອງຈີນແລະຕ່າງປະທດທີ່ຮ່ວມປະຊຸມເຫັນວ່າ,ຫວ່າງມໍ່ໆນີ້,ປະເທດຕາເວັນຕົກຈຳນວນໜຶ່ງໃຊ້ຂໍ້ອ້າງທີ່ວ່າບັນຫາສິດທິມະນຸດຂອງຕິເບດມາຕິຕຽນຈີນ,ທີ່ຈິງແລ້ວແມ່ນຢາກສວຍໃຊ້ບັນຫາຕິເບດມາແຊກແຊງວຽກງານພາຍໃນຂອງຈີນ.
ທ່ານໂມຮານ ກູລູສວາມີ ຫົວໜ້າສູນຄົ້ນຄວ້າການຄັດເລືອກນະໂຍບາຍນີວແດນລີແຫ່ງອິນເດຍໄດ້ໄປທ່ຽວຕິເບດເປັນເວລາ1ອາທິດໃນປີກາຍນີ້.ທ່ານກ່າວວ່າ,ທ່ານໄດ້ເຫັນຕິເບດພັດທະນາໄວຫຼາຍ,ປະຊາຊົນຮູ້ສຶກເພິ່ງພໍໃຈຕໍ່ລະດັບຊີວິດການເປັນຢູ່ຂອງຕົນ.
ທ່ານຊີ້ອອກວ່າ, ປະເທດຕາເວັນຕົກຈຳນວນໜຶ່ງໃຊ້ຂໍ້ອ້າງທີ່ວ່າບັນຫາສິດທິມະນຸດຂອງຕິເບດມາຕິຕຽນຈີນ,ທີ່ຈິງແລ້ວແມ່ນຢາກສວຍໃຊ້ບັນຫາຕິເບດແຊກແຊງວຽກງານພາຍໃນຂອງຈີນ.
ທ່ານອັສລານ ອັບອັສຮິເຈ ຫົວໜ້າຫ້ອງການຄົ້ນຄວ້າກົດໝາຍລະຫວ່າງຊາດຂອງມະຫາວິທະຍາໄລມິດຕະພາບປະຊາຊົນຣັດເຊຍກ່າວວ່າ,ວຽກງານຕິເບດແມ່ນວຽກງານພາຍໃນຂອງຈີນ,ຖ້າມີຄົນທຳລາຍກົດໝາຍທົ່ວໄປໃນສາກົນໃນບັນຫາອະທິປະໄຕຂອງປະເທດ,ຄວນຖືກຖືເປັນການລ່ວງລະເມີດສິດທິມະນຸດ.
ທ່ານນາງຊີຄາໂຄຣເປລາ ສາສະດາຈານສະຖາບັນການພົວພັນລະຫວ່າງຊາດມະຫາວິທະຍາໄລໂຄລົມເບຍອາເມລິກາກ່າວວ່າ,ຫຼາຍຄົນທີ່ຕິຕຽນສິດທິມະນຸດຂອງຈີນກ່ຽວກັບບັນຫາຕິເບດນັ້ນບໍ່ຮູ້ສະພາບຂອງຕິເບດໃນເມື່ອກ່ອນແລະປັດຈຸບັນ,ສະນັ້ນ,ເຂົາເຈົ້າຈິ່ງເວົ້າເລື່ອງພຽງແຕ່ດ້ານດຽວ.
|
|
