|
ຕາມຂ່າວCRI:ວັນທີ 23 ເມສານີ້,ຜູ່ຕາງຫນ້າຂອງປະເທດຕ່າງໆທີ່ເຂົ້າ ຮ່ວມເວທີປຶກສາຫາລືສຸດຍອດວິທະຍຸແລະໂທລະພາບຈີນອາຊຽນໄດ້ມາຢ້ຽມຢາມວິທະຍຸສາກົນແຫ່ງປະເທດຈີນືCRI.
ໃນເວລາທ່ານວາງເກິ່ງນຽນ ຫົວຫນ້າວິທະຍຸສາກົນແຫ່ງປະເທດຈີນພົບປະກັບຜູ່ຕາງຫນ້າຂອງຕ່າງປະເທດນັ້ນ,ທ່ານກ່າວວ່າ,CRIໄດ້ອອກອາກາດ 8 ພາສາອາຊຽນມາແຕ່ຊຸມປີ 1950,ແມ່ນສື່ມວນຊົນຈີນແຫ່ງຫນຶ່ງທີ່ຮ່ວມມືກັບບັນດາປະເທດອາຊີເປັນເວລາດົນນານກວ່າຫມູ່.ທ່ານກ່າວວ່າ, CRIຈະເພີ່ມທະວີ ຊຸກຍູ້ແລະເປີດກວ້າງການຮ່ວມມືແລະແລກປ່ຽນກັບຂະແຫນງການວິທະຍຸແລະໂທລະພາບຂອງບັນດາປະເທດອາຊຽນ,ແລະເຊື່ອຫມັ້ນວ່າການແລກປ່ຽນແລະຮ່ວມມືດັ່ງກ່າວຈະມີຜົນປະໂຫຍດຕໍ່ການຊຸກຍູ້ໃຫ້ປະເທດຕ່າງໆຂະຫຍາຍການພົວພັນມິດຕະພາບໃນຂົງເຂດອື່ນໆ,ເພື່ອຄວາມຈະເລີນຮຸ່ງເຮືອງແລະເຂັ້ມແຂງຮັ່ງມີຮ່ວມມກັນ.
ຄະນະຜູ່ແທນລາວທີ່ນຳໂດຍທ່ານບໍ່ແສງຄຳ ວົງດາລາ ລັດຖະມົນຕີຊ່ອຍວ່າການກະຊວງຖະແຫຼງຂ່າວແລະວັດທະນະທຳກໍໄດ້ມາຢ້ຽມຢາມວິທະຍຸພວກເຮົາ,ແລະໃຫ້ສຳພາດພິເສດຕໍ່ນັກຂ່າວພະແນກພາສາລາວ
|
