|
|
 |
| (GMT+08:00)
2008-04-24 18:53:58
|
 |
|
ທ່ານລິວຢຸນຊ່ານພົບປະຜູ່ແທນປະເທດຕ່າງໆໃນອາຊຽນທີ່ເຂົ້າຮ່ວມເວທີປຶກສາຫາລືສຸດຍອດວິທະຍຸໂທລະພາບຈີນອາຊຽນ
cri
Author: d
ຕາມຂ່າວCRI: ວັນທີ24ເມສານີ້ ຢູ່ປັກກິ່ງ ທ່ານລິວຢຸນຊ່ານ ກຳມະການກົມການເມືອງສູນກາງພັກ ຫົວໜ້າຄະນະໂຄສະນາສູນກາງພັກກອມມູນິດຈີນໄດ້ພົບປະຜູ່ແທນປະເທດຕ່າງໆໃນອາຊຽນທີ່ເຂົ້າຮ່ວມເວທີປຶກສາຫາລືສຸດຍອດວິທະຍຸໂທລະພາບຈີນອາຊຽນ,ທ່ານຫວັງໃຫ້ສື່ມວນຊົນຂອງຈີນແລະອາຊຽນເພີ່ມທະວີການແລກປ່ຽນແລະປະສານສົມທົບເຊິ່ງກັນແລະກັນຕື່ມອີກ,ເພື່ອເສີມຂະຫຍາຍບົດບາດຍິ່ງຫຼາຍໃນການເພີ່ມຄວາມເຂົ້າໃຈກັນແລະມິດຕະພາບລະຫວ່າງຈີນກັບປະເທດຕ່າງໆໃນອາຊຽນ.
ທ່ານລິວຢຸນຊ່ານຍັງສະແດງຄວາມຂອບໃຈຕໍ່ຫຼັກໝັ້ນຂອງລັດຖະບານແລະສື່ມວນຊົນຂອງປະເທດຕ່າງໆໃນອາຊຽນທີ່ສະໜັບສະໜູນປັກກິ່ງຈັດງານກິລາໂອລິມປິກຢ່າງເດັດດ່ຽວ.ຜູ່ແທນປະເທດຕ່າງໆໃນອາຊຽນທີ່ຮ່ວມປະຊຸມເຫັນວ່າ,ຈີນກັບອາຊຽນເພີ່ມທະວີການແລກປ່ຽນແລະການຮ່ວມມືທາງວິທະຍຸໂທລະພາບຍ່ອມຈະເກີດຜົນສະທ້ອນອັນຍາວນານແລະຕັ້ງໜ້າຕໍ່ການຊຸກຍູ້ການພົວພັນຄູ່ຍຸດທະສາດລະຫວ່າງສອງຝ່າຍຢ່າງແນ່ນອນ.
ເວທີປຶກສາຫາລືສຸດຍອດວິທະຍຸໂທລະພາບຈີນອາຊຽນຈັດຂຶ້ນຢູ່ປັກກິ່ງໃນຫວ່າງມໍ່ໆນີ້.ຜູ່ຕາງໜ້າພາກສ່ວນຄຸ້ມຄອງວິທະຍຸໂທລະພາບຂອງຈີນແລະ10ປະເທດອາຊຽນ ກອງເລຂາອາຊຽນແລະຜູ່ຕາງໜ້າຂອງວິທະຍຸໂທລະພາບສອງຝ່າຍລວມປະມານ100ທ່ານເຂົ້າຮ່ວມກອງປະຊຸມ.ເວທີປຶກສາຫາລືຜ່ານຮັບຮອງ"ຖະແຫຼງການປັກກິ່ງ"ກ່ຽວກັບການເພີ່ມທະວີການຮ່ວມມືລະຫວ່າງສື່ມວນຊົນຂອງສອງຝ່າຍ ແລະໄດ້ເຊັນສັນຍາຮ່ວມມືລະຫວ່າງສອງຝ່າຍຫຼາຍສະບັບ.
|
|
|
