|
|
 |
| (GMT+08:00)
2008-04-25 15:51:19
|
 |
|
ນາຍົກຈີນພົບປະເຈລະຈາກັບປະທານຄະນະກຳມະການສະຫະພາບເອີລົບ
cri
ຕາມຂ່າວCRI,ວັນທີ25ເມສານີ້,ຢູ່ທີ່ປັກກິ່ງ,ທ່ານເວິ່ນເຈ່ຍປາວ ນາຍົກລັດຖະມົນຕີຈີນໄດ້ພົບປະເຈລະຈາກັບທ່ານໂຈສ ມາເນວ ດູລາວບາໂລໂຊ ປະທານຄະນະກຳມະການສະຫະພາບເອີລົບ.
ທ່ານເວິ່ນເຈ່ຍປາວ ຊີ້ອອກວ່າ,ຜົນປະໂຫຍດຮ່ວມລະຫວ່າງຈີນກັບເອີລົບຫຼາຍກວ່າຄວາມຂັດແຍ່ງຢ່າງຫຼວງຫຼາຍ.ຂໍແຕ່ວ່າຈີນກັບເອີລົບເຄົາລົບເຊິ່ງກັນແລະກັນໄວ້ເນື້ອເຊື່ອໃຈກັນ,ຖອດຖອນບົດຮຽນຂອງກັນແລະຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ,ການພົວພັນລະຫວ່າງສອງຝ່າຍກໍ່ຍ່ອມຈະມີອະນາຄົດທີ່ກວ້າງຂວາງກວ່າເກົ່າຢ່າງແນ່ນອນ.
ທ່ານບາໂລໂຊກ່າວວ່າ,ການພັດທະນາຂອງຈີນມີຜົນດີຕໍ່ເອີລົບກໍຄືຕໍ່ໂລກ.ສະຫະພາບເອີລົບຍິນດີຮ່ວມມືກັບຈີນຢ່າງສະໜິດແໜ້ນ,ຮ່ວມກັນຮັບມືກັບໂອກາດແລະການທ້າທາຍທີ່ຂະບວນການໂລກາພິວັດນຳມາໃຫ້.
ທ່ານເວິ່ນເຈ່ຍປາວຍັງໄດ້ແນະນຳສະຖານະການຕິເບດແລະ ຫຼັກໝັ້ນຂອງຈີນ.ທ່ານບາໂລໂຊກ່າວວ່າ,ສະຫະພາບເອີລົບພ້ອມກັບປະເທດສະມາຊິກຕ່າງໆເຄົາລົບອະທິປະໄຕແລະຜືນແຜ່ນດິນອັນຄົບຖ້ວນຂອງຈີນ,ຍອມຮັບວ່າໄຕ້ຫວັນແລະຕິເບດແມ່ນດິນແດນສ່ວນໜຶ່ງຂອງຈີນ,ການປົກປ້ອງຄວາມໝັ້ນຄົງແລະຄວາມຈະເລີນຮຸ່ງເຮືອງຂອງຈີນແມ່ນສອດຄ່ອງກັບຜົນປະໂຫຍດຂອງປະຊາຄົມໂລກ.ສະຫະພາບເອີລົບຄັດຄ້ານການຂວ້ຳບາດງານກິລາໂອລິມປິກ,ແລະອວຍພອນໃຫ້ງານກິລາໂອລິມປິກປັກກິ່ງຈົ່ງໄດ້ຮັບຜົນສຳເລັດຢ່າງເຕັມເມັດເຕັມໜ່ວຍ.
ຫຼັງການເຈລະຈາ,ທ່ານທັງສອງໄດ້ຮ່ວມກັນໃຫ້ສຳພາດຕໍ່ນັກຂ່າວ,ປະກາດເລີ່ມຕົ້ນການສົນທະນາລະດັບສູງດ້ານເສດຖະກິດການຄ້າລະຫວ່າຈີນກັບສະຫະພາບເອີລົບ.
|
|
|
