|
ທ່ານຫູຈິນທາວກ່າວວ່າ,ການເພີ່ມທະວີການພົວພັນລະຫວ່າງຈີນເອີລົບມີຜົນດີຕໍ່ການປົກປັກຮັກສາແລະຊຸກຍູ້ສັນຕິພາບ ສະຖຽນລະພາບແລະການພັດທະນາຂອງໂລກ
cri
Author: d
ຕາມຂ່າວCRI: ວັນທີ25ເມສານີ້ ຢູ່ປັກກິ່ງ ທ່ານຫູຈິນທາວ ປະທານປະເທດຈີນແລະທ່ານເວີນເຈຍປາວ ນາຍົກລັດຖະມົນຕີຈີນຕ່າງໄດ້ພົບປະທ່ານບາໂຣໂຊ ປະທານຄະນະກຳມະການສະຫະພາບເອີລົບທີ່ມາຢ້ຽມຢາມ.
ທ່ານຫູຈິນທາວກ່າວວ່າ, ການເພີ່ມທະວີການພົວພັນລະຫວ່າງຈີນເອີລົບມີຜົນດີຕໍ່ການປົກປັກຮັກສາແລະຊຸກຍູ້ສັນຕິພາບ ສະຖຽນລະພາບແລະການພັດທະນາຂອງໂລກ.ທ່ານຫວັງໃຫ້ຈີນເອີລົບເພີ່ມທະວີການສົນທະນາແລະການປຶກສາຫາລືທາງຍຸດທະສາດ,ລົງເລິກປະສານສົມທົບກັນໃນວຽກງານຫຼາຍຝ່າຍແລະບັນຫາທົ່ວໂລກ,ຮັບປະກັນໃຫ້ການພົວພັນຄູ່ຍຸດທະສາດຮອບດ້ານລະຫວ່າງຈີນກັບເອີລົບຂະຫຍາຍຕົວຢ່າງຍາວນານ ປອດໃສແລະໝັ້ນທ່ຽງ.
ທ່ານບາໂຣໂຊກ່າວວ່າ,ສະຫະພາບເອີລົບອອກແຮງຂະຫຍາຍການພົວພັນຄູ່ຍຸດທະສາດຮອບດ້ານກັບຈີນຢ່າງບໍ່ຢຸດຢັ້ງ,ຜ່ານຈາກການສົນທະນາກັນເພື່ອແກ້ໄຂຄວາມສົນໃຈແລະຂໍ້ຂັດແຍ່ງກັນ.ທ່ານສະແດງຄວາມຂອບໃຈຕໍ່ຈີນສະໜັບສະໜູນຄວາມເຊື່ອມໂຍງເຂົ້າກັນຂອງສະຫະພາບເອີລົບໂດຍຕະຫຼອດ,ແລະອວຍພອນໃຫ້ງານກິລາໂອລິມປິກປັກກິ່ງຈະໄດ້ຮັບຜົນສຳເລັດ.
ມື້ດຽວກັນ ທ່ານເວີນເຈຍປາວກໍ່ໄດ້ເຈລະຈາກັບທ່ານບາໂຣໂຊ,ສອງຝ່າຍໄດ້ແລກປ່ຽນຄຳເຫັນຢ່າງເລິກເຊິ່ງແລະກົງໄປກົງມາກ່ຽວກັບການພົວພັນຈີນເອີລົບແລະບັນຫາສຳຄັນໃນທົ່ວໂລກ,ແລະມີຄວາມເຫັນເອກະພາບຫຼາຍຢ່າງ.
|
|
