|
ຕາມຂ່າວສານຊິນຮວາ:ວັນທີ27 ເມສານີ້,ທ່ານຊີຈີ້ນພີງ ຮອງປະທານປະເທດຈີນໄດ້ພົບປະທ່ານເລວີດ ທີ່ປຶກສາການຕ່າງປະເທດຂອງປະທານາທິບໍດີຝະລັ່ງ.
ທ່ານຊີຈີ້ນພີງກ່າວເນັ້ນວ່າ,ການປັບປຸງແລະຂະຫຍາຍການພົວພັນຄູ່ຂາຍຸດທະສາດຮອບດ້ານລະຫວ່າງຈີນກັບຝະລັ່ງ,ບໍ່ພຽງແຕ່ສອດຄ່ອງກັບຜົນປະໂຫຍດກົກຮາກຂອງສອງປະເທດ,ກໍ່ມີຜົນດີຕໍ່ສັນຕິພາບ,ສະຖຽນລະພາບແລະການພັດທະນາຂອງໂລກ.ຝ່າຍຈີນຫວັງໃຫ້ຝ່າຍຝະລັ່ງເອົາໃຈໃສ່ໃນລະດັບສູງຕໍ່ບັນຫາທີ່ການພົວພັນລະຫວ່າງຈີນກັບຝະລັ່ງປະເຊີນ,ຖືພາກສ່ວນໃຫຍ່ເປັນເດີນພັນ,ໃຊ້ການກະທຳຕົວຈິງ,ພະຍາຍາມຮ່ວມກັບຝ່າຍຈີນ,ເຮັດໃຫ້ການພົວພັນລະຫວ່າງຈີນກັບຝະລັ່ງສືບຕໍ່ຂະຫຍາຍໄປໜ້າຢ່າງປອດໃສແລະໝັ້ນທ່ຽງ.
ທ່ານເລວີດກ່າວວ່າ,ລັດຖະບານຝະລັ່ງແລະທ່ານປະທານາທິບໍດີຊາໂກຊີເອົາໃຈໃສ່ໃນລະດັບສູງນຳການປົວແປງແລະເພີ່ມທະວີການພົວພັນຄູ່ຂາຍຸດທະສາດຮອບດ້ານລະຫວ່າງຝະລັ່ງກັບຈີນ,ຍິນດີທຳຄວາມພະຍາຍາມທຸກຢ່າງເພື່ອເລື່ອງນີ້.ຝະລັ່ງຍຶດໝັ້ນນະໂຍບາຍຈີນດຽວຢ່າງຈະແຈ້ງ,ຮັບຮອງວ່າຕິເບດ,ໄຕ້ຫວັນລ້ວນແຕ່ແມ່ນພາກສ່ວນໜຶ່ງທີ່ຕັດແຍກບໍ່ໄດ້ຂອງດິນແດນຈີນ.ຝະລັ່ງອວຍພອນງານກິລາໂອລິມປິກປັກກິ່ງຈົ່ງໄດ້ຮັບຜົນສຳເລັດ.
|
