|
|
 |
| (GMT+08:00)
2008-04-28 15:37:48
|
 |
|
ປະລິມານສະສົມສະບຽງອາຫານໃນສາງຂອງຈີນຫຼາຍກວ່າມາດຕະຖານຄວາມປອດໄພສາກົນຢ່າງຫຼວງຫຼາຍ
cri
ຕາມຂ່າວCRI,ໂດຍແນໃສ່ຕອບໂຕ້ຄວາມເວົ້າທີ່ວ່າປະລິມານສະບຽງອາຫານໃນສາງຂອງຈີນມີໜ້ອຍ,ວັນທີ28ເມສານີ້,ທ່ານນາງລິວຕຸ່ງຈູ ເຈົ້າໜ້າທີ່ກົມສະບຽງອາຫານແຫ່ງຊາດຈີນຊີ້ອອກວ່າ,ປັດຈຸບັນ,ຍອດປະລິມານສະບຽງອາຫານໃນສາງຂອງຈີນຫຼາຍກວ່າມາດຕະຖານຄວາມປອດໄພທີ່ອົງການອາຫານແລະການກະເສດຂອງສະຫະປະຊາຊາດຫຼືຟາວ(FAO)ກຳນົດນັ້ນຢ່າງຫຼວງຫຼາຍ.
ທ່ານນາງລີວຕຸ່ງຈູ ໃຫ້ທັດນະນະດັ່ງກ່າວໃນເວລາໃຫ້ສຳພາດຕໍ່ນັກຂ່າວCRIຢູ່ປັກກິ່ງ.ນາງກ່າວວ່າ,ຜົນຜະລິດທັນຍາຫານຂອງຈີນໄດ້ເພີ່ມຂຶ້ນໃນ4ປີລຽນຕິດ,ປະລິມານສະບຽງອາຫານສະເລ່ຍຕໍ່ຫົວຄົນໃນປີກາຍນີ້ໄດ້ຫຼາຍກວ່າລະດັບສະເລ່ຍຂອງໂລກຢ່າງຫຼວງຫຼາຍ.
ນາງກ່າວວ່າ,ໃນບັນຫາສະບຽງອາຫານ,ຈີນຍຶດໝັ້ນທິດທາງທີ່ເພິ່ງຕົນເອງເພື່ອຮັບປະກັນການສະໜອງສະບຽງອາຫານໂດຍພື້ນຖານຢ່າງສະເໝີຕົ້ນສະເໝີປາຍ,ອັດຕາກຸ້ມຕົນເອງແມ່ນຮັກສາຢູ່ໃນລະດັບ95%ຂຶ້ນໄປ.ປະລິມານການນຳເຂົ້າທັນຍາຫານໃນປີກາຍນີ້ກວມຍອດປະລິມານການຄ້າດ້ານທັນຍາຫານໃນທົ່ວໂລກບໍ່ຮອດ1%.ຜົນສະທ້ອນຂອງຈີນທີ່ມີຕໍ່ລາຄາສະບຽງອາຫານໃນຕະຫຼາດສາກົນແມ່ນມີໜ້ອຍທີ່ສຸດ.
|
|
|
