|
|
 |
| (GMT+08:00)
2008-04-28 16:24:02
|
 |
|
ນະຄອນເທດສະບານຂອງ6 ແຂວງພາກກາງຈີນລົງນາມໃນບົດບັນທຶກ ຄວາມເຂົ້າໃຈກ່ຽວກັບການຮ່ວມມືດ້ານອະນຸລັກສິ່ງແວດລ້ອມ
cri
ຕາມຂ່າວສານຊິນຮວາ:ວັນທີ 27 ເມສານີ້,ໃນເວທີປຶກສາຫາລືເຈົ້າຄອງນະຄອນເພື່ອການພັດທະນາແບບຍືນຍົງຂອງງານວາງສະແດງສິນຄ້າແລະການລົງທຶນພາກກາງຈີນຄັ້ງທີ 3 ທີ່ຈັດຂຶ້ນຢູ່ນະຄອນອູຮ້ານ ແຂວງເຫີເປຂອງຈີນ, 6 ນະຄອນເທດສະບານແຂວງພາກກາງໄດ້ຮ່ວມກັນລົງນາມໃນບົດບັນທຶກຄວາມເຂົ້າໃຈ,ໂດຍສະເຫນີວ່າຈະເພີ່ມການສ້າງສິ່ງແວດລ້ອມທຳມະຊາດຮ່ວມກັນໃນພາກພື້ນ,ຊຸກຍູ້ໃຫ້ປະຊາກອນ ຊັບພະຍາກອນແລະສິ່ງແວດລ້ອມກົມກຽວກັນ.ໃນບົດບັນທຶກຄວາມເຂົ້າໃຈ, 6 ນະຄອນໄດ້ໃຫ້ຄຳຫມັ້ນສັນຍາວ່າ,ຕ້ອງພັດທະນາອຸດສາຫະກຳເຕັກນິກສູງຢ່າງແຂງແຮງ,ສົ່ງເສີມໃຫ້ພັດທະນາເສດຖະກິດແບບຫມູນວຽນ,ເພີ່ມການຮ່ວມມືດ້ານອະນຸລັກສິ່ງແວດລ້ອມ,ເຮັດວຽກດ້ານປະຢັດພະລັງງານແລະຫຼຸດການລະບາຍມົນລະພິດໃຫ້ຫນ້ອຍລົງຢ່າງເດັ່ນຊັດໃນຂະແຫນງການສຳຄັນແລະຂົງເຂດສຳຄັນ, ຈຳກັດວິສາຫະກິດທີ່ສິ້ນເປືອງພະລັງ ງານຫຼາຍແລະລະບາຍມົນລະພິດຢ່າງຫຼວງຫຼາຍທີ່ເພີ່ມຂຶ້ນໄວ, ເຊົາໃຊ້ເຕັກນິກຜະລິດທີ່ຫຼ້າຫຼັງຢ່າງເດັດຂາດ.
ມື້ດຽວກັນ,ໃນເວທີປຶກສາຫາລືເທື່ອນີ້,ນາງມາສິວຮົງ ລັດຖະມົນຕີຊ່ອຍວ່າການກະຊວງການຄ້າຈີນກ່າວວ່າ,ກະຊວງການຄ້າໄດ້ໃຊ້ມາດຕະການດ້ານຕ່າງໆເຊັ່ນ:ສະຫນັບສະຫນູນພາກກາງສ້າງລະບົບເກັບຄືນແລະນຳໃຊ້ຊັບ ພະຍາກອນທີ່ເກີດໃຫມ່ໄດ້ແລະຊີ້ນຳໃຫ້ວິສາຫະກິດທີ່ດຳເນີນການຜະລິດໃນພາກກາງໃຫ້ປະຢັດພະລັງງານແລະຫຼຸດການລະບາຍມົນລະພິດ ໃຫ້ຫນ້ອຍລົງເປັນຕົ້ນ,ເພື່ອຊຸກຍູ້ໃຫ້ພາກກາງບັນລຸເປົ້າຫມາຍການພັດທະນາທີ່ປະຢັດຊັບພະຍາກອນແລະອະນຸລັກສິ່ງແວດລ້ອມໄປພ້ອມໆກັນ.
|
|
|
