|
|
 |
| (GMT+08:00)
2008-04-29 10:56:41
|
 |
|
ບັນຫາຕິເບດບໍ່ແມ່ນບັນຫາສາສະຫນາ
cri
ຕາມຂ່າວ cri: ຫນັງສືພິມເຢີນມີນຢື້ປ້າວ ເຊິ່ງເປັນຫນັງສືພິມທີ່ມີອິດທິພົນທີ່ສຸດຂອງຈີນສະບັບວັນທີ 29 ເມສານີ້ໄດ້ພິມບົດຄວາມໂດຍຂຽນວ່າ, ກຸ່ມດາໄລລາມະແລະບັນຫາຕິເບດທີ່ຄົນຈຳນວນຫນຶ່ງກ່າວມານັ້ນບໍ່ແມ່ນບັນຫາສາສະຫນາ, ແຕ່ຫາກແມ່ນບັນຫາແບ່ງແຍກຈີນ.
ບົດຄວາມຂຽນວ່າ, ກຸ່ມດາໄລລາມະຮຽກຮ້ອງປະຊາຄົມໂລກຈົ່ງເອົາໃຈໃສ່ນຳອັນທີ່ວ່າບັນຫາຕິເບດ,ທີ່ຊູທຸງອັນທີ່ວ່າບັນຫາສາສະຫນາ, ແລະກ່າວວ່າຊາວຕິເບດບໍ່ມີເສລີພາບໃນການເຊື່ອຖືສາສະຫນາແລະອື່ນໆ.ແຕ່ເລື່ອງຈິງແມ່ນ, ການກ່າວຫາຕໍ່ຈີນຂອງກຸ່ມດາໄລລາມະແມ່ນຂັດແຍ່ງກັນກັບເລື່ອງຈິງ.
ບົດຄວາມຊີ້ອອກວ່າ, ປັດຈຸບັນ, ຕິເບດມີວັດວາອາຮາມພຸດທະສາສະຫນາຕິເບດ 1700 ກວ່າແຫ່ງ, ມີພະສົງແລະແມ່ຊີ 4 ຫມື່ນ 6 ພັນກວ່າຕົນ, ແລະຍັງມີສຸເຫລົ່າອິສລາມ 4 ແຫ່ງ,ໂບດໂລມັງກາໂຕລິກແຫ່ງຫນຶ່ງ, ການເຄື່ອນໄຫວສາສະຫນາທຸກຢ່າງດຳເນີນໄປຢ່າງເປັນປົກກະຕິ.ຢູ່ໃນຫມູ່ປະຊາຊົນທຳມະດາສາມັນ.ໃນ 20 ປີຜ່ານມາ, ລັດຖະບານໄດ້ໃຊ້ງົບປະມານ 700 ກວ່າລ້ານຢວນ ປະຕິສັງຂອນວັດວາອາຮາມ ປູຊະນິຍະສະຖານແລະສະຖານທີ່ສາສະຫນາຕ່າງໆ,ຄຳພີພຸດທະສາສະຫນາຕິເບດຫລວງຫລາຍໄດ້ຮັບການປົກປັກຮັກສາ.
ບົດຄວາມຂຽນວ່າ, ເລື່ອງຈິງເຫລົ່ານີ້ໄດ້ສະແດງໃຫ້ເຫັນຢ່າງເຕັມສ່ວນວ່າ:ບັນຫາຕິເບດບໍ່ແມ່ນອັນທີ່ວ່າບັນຫາສາສະຫນາ,ບັນຫາສາສະຫນາພຽງແຕ່ແມ່ນໄພ້ໃບຫນຶ່ງທີ່ກຸ່ມດາໄລລາມະເອົາມາຕົວະເອົາຄວາມເຫັນໃຈຈາກຄົນສ່ວນຫນຶ່ງ.ທາດແທ້ຂອງບັນຫາຕິເບດແມ່ນເພື່ອໃຫ້ຕິເບດເປັນເອກະລາດ,ແລະແບ່ງແຍກປະເທດ.
|
|
|
