|
ເຈົ້າໜ້າທີ່ສະຖິຕິຈີນຄາດຄະເນວ່າການຜະລິດທັນຍາຫານຂອງຈີນໃນປີນີ້ຈະມີສະພາບໝັ້ນທ່ຽງໂດຍພື້ນຖານ
cri
ຕາມຂ່າວCRI,ທ່ານເຊິ້ງໄຫຼຢຸ້ນ ຮອງຫົວໜ້າພະແນກສຳຫຼວດເສດຖະກິດສັງຄົມຊົນນະບົດກົມສະຖິຕິແຫ່ງຊາດຈີນກ່າວວ່າ,ຕາມການສຳຫຼວດຂອງອົງການດັ່ງກ່າວ,ປີນີ້,ເນື້ອທີ່ດິນປູກທັນຍາຫານຂອງຈີນຈະເທົ່າກັບທຸກປີທີ່ຜ່ານມາໂດຍພື້ນຖານ,ການຜະລິດທັນຍາຫານຈະຮັກສາຄວາມໝັ້ນທ່ຽງໂດຍພື້ນຖານ.
ທ່ານເຊິ້ງໄຫຼຢຸ້ນແມ່ນກ່າວຄວາມນີ້ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ.ທ່ານກ່າວວ່າ,ໃນໄລຍະມໍ່ໆມານີ້,ເຖິງວ່າລາຄາທັນຍາຫານຂອງຈີນຈະຖີບສູງຂຶ້ນໃນລະດັບໃດໜຶ່ງກໍຕາມ,ແຕ່ເມື່ອທຽບກັບລາຄາທັນຍາຫານໃນສາກົນແລ້ວ,ຈັງຫວະຖີບຕົວຂອງລາຄາທັນຍາຫານຂອງຈີນແມ່ນໜ້ອຍທີ່ສຸດ.ທ່ານເຫັນວ່າ,ໃນໄຕມາດທຳອິດປີນີ້,ກະສິກຳຂອງຈີນໄດ້ພັດທະນາຢ່າງໝັ້ນທ່ຽງໂດຍທຽບຖານ.
|
|
