|
|
 |
| (GMT+08:00)
2008-04-30 17:36:22
|
 |
|
ໄຕມາດທຳອິດປີນີ້ຍອດມູນຄ່າການຄ້າຈີນກັບອາຊຽນເພີ່ມຂຶ້ນ26%
cri
ຕາມຂ່າວສານຊິນຮວາ,ວັນທີ29ເມສານີ້,ທ່ານອູເຈິ້ງພິງ ຮອງຫົວໜ້າກົມອາຊີກະຊວງການຄ້າຈີນກ່າວວ່າ,ນັບແຕ່ເດືອນມັງກອນຮອດເດືອນມີມາປີນີ້,ມູນຄ່າການຄ້າລະຫວ່າງຈີນກັບອາຊຽນບັນລຸ54ຕື້400ລ້ານໂດລາ,ເພີ່ມຂຶ້ນ26%ເມື່ອທຽບໃສ່ໄລຍະດຽວກັນຂອງປີກາຍນີ້.
ທ່ານອູເຈິ້ງພິງໄດ້ແຈ້ງໃຫ້ຊາບຂໍ້ມູນດັ່ງກ່າວໃນເວລາເຂົ້າຮ່ວມກອງປະຊຸມເຈົ້າໜ້າທີ່ອາວຸໂສງານວາງສະແດງສິນຄ້າຈີນອາຊຽນຄັ້ງທີ5ທີ່ຈັດຂຶ້ນຢູ່ນະຄອນນານນິງເຂດກວາງຊີຂອງຈີນ.ໃນຫຼາຍປີມໍ່ໆມານີ້,ການຮ່ວມມືລະຫວ່າງຈີນກັບອາຊຽນໄດ້ຂະຫຍາຍຕົວຢ່າງບໍ່ຢຸດຢັ້ງ,ລະດັບການຮ່ວມມືກໍ່ໄດ້ຍົກສູງຂຶ້ນເລື້ອຍໆ.ອາຊຽນໄດ້ກາຍເປັນຄູ່ຮ່ວມມືການຄ້າໃຫຍ່ທີ4ຂອງຈີນແລ້ວ.
ທ່ານອູເຈິ້ງພິງເຫັນວ່າ,ນັບແຕ່ປີ2007ເປັນຕົ້ນໄປ,ເຂດການຄ້າເສລີຈີນອາຊຽນໄດ້ປະຕິບັດການຫຼຸດພາສີໄລຍະທີສອງ,ເຊິ່ງໄດ້ນຳເອົາຜົນປະໂຫຍດຕົວຈິງມາໃຫ້ຜູ່ບໍລິໂພກແລະວິສາຫະກິດຂອງສອງຝ່າຍ.ເດືອນກໍລະກົດປີ2007,ສັນຍາການຄ້າການບໍລິການຂອງເຂດການຄ້າເສລີຈີນອາຊຽນໄດ້ຮັບການປະຕິບັດເປັນຢ່າງດີ.ນອກນີ້,ການຮ່ວມມືອະນຸພາກພື້ນຈີນອາຊຽນໄດ້ກ້າວສູ່ລວງເລິກເປັນກ້າວໆ,ກາຍເປັນຂົງເຂດໃໝ່ທີ່ການຮ່ວມມືເພີ່ມຂຶ້ນ.
|
|
|
