|
ນາຍົກຈີນຢື້ຢາມຖາມຂ່າວກຳມະກອນຢູ່ເມືອງນິງໂປ່ແຂວງເຈີ້ຈ່ຽງ
cri
ຕາມຂ່າວ cri: ວັນທີ 30 ເມສາແລະວັນທີ 1 ພຶດສະພານີ້, ທ່ານເວີ່ນເຈ່ຍປາວ ກຳມະການປະຈຳກົມການເມືອງສູນກາງພັກກອມມູນິດຈີນ, ນາຍົກລັດຖະ ມົນຕີ ຈີນໄດ້ເດີນທາງໄປຮອດນະຄອນນິງໂປ່ແຂວງເຈີ້ຈ່ຽງພາກຕາເວັນອອກຈີນ, ຕາງໜ້າສູນກາງພັກ, ລັດຖະບານ, ຢື້ຢາມຖາມຂ່າວກຳມະກອນອັນໄພສານ, ຫຼິ້ນວັນກຳມະກອນສາກົນກັບກຳມະກອນ.
ທ່ານເວີ່ນເຈ່ຍປາວໄດ້ໄປວິສາຫະກິດເພື່ອຊອກຮູ້ສະພາບການຜະລິດແລະຊີວິດການເປັນຢູ່ຂອງພວກກຳມະກອນ, ຍັງໄດ້ໄປຢ້ຽມຢາມຕົວຢ່າງກຳມະກອນອາວຸໂສແລະຄູສອນ.
ຕອນເຊົ້າວັນທີ 1 ພຶດສະພານີ້, ທ່ານເວີ່ນເຈ່ຍປາວໄປຮອດຂົວຂ້າມທະເລອ່າວຮາງໂຈ່ວ, ທ່ານເວົ້າຕໍ່ຜູ້ກໍ່ສ້າງໂຄງການວ່າ, ການສ້າງຂົວແຫ່ງນີ້ໄດ້ສ້າງສະຖິຕິໂລກຫຼາຍຢ່າງ, ທ່ານລະດົມໃຫ້ຜູ້ກໍ່ສ້າງອັນໄພສານເສີມຂະຫຍາຍມູນເຊື້ອອັນດີງາມ, ສືບຕໍ່ພະຍາຍາມຮັບໃຊ້ປະຊາຊົນ. ທ່ານເວີ່ນເຈ່ຍປາວຍັງໄດ້ໄປກຸ່ມບໍລິສັດທ່າກຳປັ່ນນິງໂປ່, ເພື່ອຢື້ຢາມຖາມຂ່າວກຳມະກອນທ່າກຳປັ່ນທີ່ເຮັດວຽກໃນຍາມພັກ, ແລະຝາກຄວາມຢື້ຢາມຖາມຂ່າວໃນວັນກຳມະກອນໃຫ້ແກ່ກຳມະກອນທົ່ວປະເທດ. ທ່ານຫວັງໃຫ້ກຳມະກອນໃນສະໄໝໃໝ່ປະກອບສ່ວນເຂົ້າໃນການສ້າງສາທັນສະໄໝ, ພະຍາຍາມກຳເຕັກນິກຄວາມສາມາດທັນສະໄໝ, ແລະປະດິດສ້າງໃໝ່. ຕອນທ່ຽງ, ທ່ານນາຍົກລັດຖະມົນຕີເວີ່ນເຈ່ຍປາວໄດ້ໄປຮ້ານອາຫານຂອງກຳມະກອນທ່າກຳປັ່ນ, ກິນເຂົ້າແລະລົມກັນກັບພວກກຳມະ ກອນ, ພວກກຳມະກອນໄດ້ຜ່ານວັນກຳມະກອນພ້ອມກັບນາຍົກລັດຖະມົນຕີທີ່ລືມຍາກ.
|
|
