|
|
 |
| (GMT+08:00)
2008-05-03 17:01:07
|
 |
|
ສື່ມວນຊົນແລະນັກວິຊາການຕ່າງປະເທດຈຳນວນໜຶ່ງຕິຕຽນການກະທຳຂອງປະເທດຕາເວັນຕົກໃນບັນຫາຕິເບດ
cri
ຕາມຂ່າວCRI,ຫວ່າງມໍ່ໆນີ້,ສື່ມວນຊົນແລະນັກວິຊາການຕ່າງປະເທດຈຳນວນໜຶ່ງໄດ້ເຜີຍແຜ່ບົດຄວາມ,ຕິຕຽນການກະທຳຂອງປະເທດຕາເວັນຕົກຈຳນວນໜຶ່ງໃນບັນຫາຕິເບດ.
ວັນທີ1ພຶດສະພານີ້,ຂ່າວສານໂນໂວສຕີຣັດເຊຍໄດ້ປະກາດບົດຄວາມທີ່ພາດຫົວເລື່ອງວ່າ"ຕິເບດ: ໃຫ້ຄວາມເປັນຈິງມາຢັ້ງຢືນ",ໂດຍຂຽນວ່າ:ອົງການຈັດຕັ້ງທີ່ນອກດິນຈີນຂາດຄວາມເຂົ້າໃຈທີ່ສຸດຕໍ່ຈີນ ຕິເບດແລະພຸດທະສາສະໜາຕິເບດ.ບົດຄວາມກ່າວເນັ້ນວ່າ,ຕິເບດບໍ່ໄດ້ຈຳກັດເສລີພາບດ້ານການເຊື່ອຖືສາສະໜາເລີຍ,ແລະຍັງແມ່ນບ່ອນທີ່ປອດໄພທີ່ສຸດຂອງຈີນຕະຫຼອດມາ.
ນາງລີຊາຄາຣ໌ດູຊີ ນັກປະພັນການາດາດຳລົງຊີວິດຢູ່ຈີນເປັນເວລາເກືອບ20ປີແລ້ວ,ຫວ່າງມໍ່ໆນີ້,ນາງໄດ້ຂຽນບົດຄວາມວ່າ,ມວນຊົນສ່ວນຫຼາຍຂອງປະເທດຕາເວັນຕົກມີອະຄະຕິຕໍ່ບັນຫາຕິເບດທັງໝົດ,ເຂົາເຂົ້າເລືອກຟັງແຕ່ຖ້ອຍຄວາມທີ່ຕົນຢາກຟັງແລະຖ້ອຍຄວາມທີ່ທຳລາຍທັດສະນະຂອງຕົນທີ່ມີຕໍ່ຕິເບດມາດົນແລ້ວ.ນາງໄດ້ເລົ່າສະພາບການປ່ຽນແປງຂອງຕິເບດໂດຍອາໃສປະສົບການຂອງຕົນ,ຕົວຢ່າງຄືລັດຖະບານກາງຂອງຈີນໃຊ້ງົບປະມານກ້ອນໃຫຍ່ຊ່ວຍເຫຼືອຕິເບດສ້າງສາຄືນໃໝ່ແລະພັດທະນາອີກ.ການສຶກສາໄດ້ມີຄວາມກ້າວໜ້າ,ຄວາມເສລີໃນການເຊື່ອຖືສາສະໜາໄດ້ຮັບການຮັບປະກັນ,ສາທາລະນະສຸກແລະຊີວິດການເປັນຢູ່ຂອງປະຊາຊົນໄດ້ຍົກສູງຂຶ້ນຢ່າງຫຼວງຫຼາຍ.
|
|
|
