|
|
 |
| (GMT+08:00)
2008-05-06 18:19:12
|
 |
|
ເວທີປາໄສການຮ່ວມມືເສດຖະກິດປານອ່າວພາກເໜືອ2008ຈະຈັດຢູ່ເຂດກວາງຊີຂອງຈີນໃນທ້າຍເດືອນກໍລະກົດ
cri
Author: mo
ຕາມຂ່າວສານຈີນ: ເວທີປາໄສການຮ່ວມມືເສດຖະກິດປານອ່າວພາກເໜືອ 2008 ຈະຈັດຂຶ້ນຢູ່ເມືອງເປຫາຍເຂດກວາງຊີ ພາກໃຕ້ຂອງຈີນແຕ່ວັນທີ 30 ຫາວັນທີ 31 ກໍລະກົດນີ້.
ໃນກອງປະຊຸມຂ່າວທີ່ຈັດຂຶ້ນຢູ່ນານນິງໃນວັນທີ 6 ພຶດສະພານີ້, ທ່ານເສີນຢຸ້ຍສຽນ ຮອງຫົວໜ້າກອງເລຂາຂອງເວທີປາໄສແນະນຳວ່າ, ຫົວຂໍ້ຂອງເວທີປາໄສເທື່ອນີ້ແມ່ນ"ການເປີດປະຕູພັດທະນາເຂດເສດຖະກິດອ່າວພາກເໜືອກວາງຊີແລະການຮ່ວມມືເສດຖະກິດປານອ່າວພາກເໜືອ". ຮອດເວລານັ້ນ, ຈະມີຜູ້ນຳລັດຈີນ ເຈົ້າໜ້າທີ່ທີ່ກ່ຽວຂ້ອງຂອງສະຫະປະຊາຊາດ ຜູ້ນຳສຳຄັນຂອງປະເທດອາຊຽນ, ແລະນັກເສດຖະສາດທີ່ມີຊື່ສຽງ, ແລະຜູ້ແທນວິສາຫະກິດສຸດຍອດ 500 ແຫ່ງຂອງໂລກມາເຂົ້າຮ່ວມ.
ເຂດປານອ່າວພາກເໜືອລວມທັງເຂດແຄມທະເລຂອງປະເທດຕ່າງໆເຊັ່ນຈີນ ຫວຽດນາມ ມາເລເຊຍ ສິງກະໂປ ອິນໂດເນເຊຍ ແລະຟີລິບປິນເປັນຕົ້ນ. ປີ 2006, ກວາງຊີໄດ້ສະເໜີ"ການຮ່ວມມືເສດຖະກິດພາກພື້ນປານອ່າວພາກເໜືອ". ຕົ້ນປີ 2008, ລັດຖະບານຈີນໄດ້ອະນຸມັດປະຕິບັດ"ແຜນພັດທະນາເຂດເສດຖະກິດອ່າວພາກເໜືອກວາງຊີ", ແລະຈັດເຂົ້າໃນຍຸດທະສາດພັດທະນາແຫ່ງລັດ.
|
|
|
