ຕາມ​ຂ່າວCRI: ໂດຍ​ຕອບ​ສະໜອງ​ຄຳ​ເຊີນ​ຂອງ​ລັດຖະບານ​ຍີ່ປຸ່ນ, ຕອນ​ເຊົ້າ​ວັນ​ທີ 6 ​ພຶດສາ​ພາ​ນີ້, ທ່ານ​ຫູ​ຈີນ​ທ່າວ ປະທານ​ປະ​ເທດ​ຈີນ​ໄດ້​​ເດີນທາງ​ຈາກ​ນະຄອນຫຼວງປັກ​ກິ່ງ, ດ້ວຍຍົນ​ພິ​ເສດ​ໄປ​ໂຕ​ກຽວ, ​ເລີ່​ມຢ້ຽມຢາມ​ຍີ່ປຸ່ນ​ທາງ​ລັດຖະກິດ​ເປັນ​ເວລາ 5 ວັນ.

ນີ້​ແມ່ນ​ປະມຸກ​ລັດ​ຈີນ​ໄປ​ຢ້ຽມຢາມ​ຍີ່ປຸ່ນທາງ​ລັດຖະກິດ​ໃນ​ຮອບ 10 ປີ, ກໍ​ແມ່ນ​ການ​ຢ້ຽມຢາມ​ຕ່າງປະ​ເທດຄັ້ງ​ທຳ​ອິດ​ຂອງ​ປະທານ​ຫູ​ຈີນ​ທ່າວ​ພາຍຫຼັງ​ທ່ານ​ດຳລົງ​ຕຳ​ແໜ່​ງປະທານ​ປະ​ເທດ​ຈີນ​ອີກ​ວາລະ​ໜຶ່ງ. ຫວ່າງ​ມໍ່​ໆ​ນີ້​ໃນ​ເວລາ​ໃຫ້​ສຳພາດ​​ຕໍ່​ສື່​ມວນ​ຊົນ​ຍີ່​ປຸ່ນປະຈຳ​ປັກ​ກິ່ງ 16 ​ສຳນັກ, ທ່າ​ນຫູ​ຈີນ​ທ່າວ​ກ່າວ​ວ່າການ​ຢ້ຽມຢາມ​ເທື່ອ​ນີ້​ແມ່ນ​ການ​ເດີນທາງ​ໃນ​ລະດູບານ​ໃໝ່​ທີ່​ອົບ​ອຸ່ນ.

​ໃນ​ໄລຍະ​ຢ້ຽມຢາມ, ທ່ານ​ຫູ​ຈີນ​ທ່າວ​ຈະ​ພົບ​ປະຫັບ​​ເຈົ້າ​ຊີວິດ​ອາ​ຄິຮິ​ໂຕ, ​ແລະ​ພົບ​ປະ​ເຈລະຈາ​ກັບ​ທ່ານ​ຟູ​ຄູ​ດາ ຢາ​ຊຸ​ໂອ ນາຍົກລັດຖະມົນຕີຍີ່ປຸ່ນ, ​ແລະ​ພົບ​ປະກັບ​ຜູ້ນຳ​ສະພາ​ແລະ​ພັກ​ການ​ເມືອງ​ຍີ່ປຸ່ນ​ແລະ​ບຸກຄົນ​ວົງ​ການ​ຕ່າງໆ​ຂອງ​ຍີ່ປຸ່ນ​ຢ່າງ​ກວ້າງຂວາງ.