|
ຜູ່ນຳລັດຈີນສົ່ງໂທລະເລກຢື້ຢາມຖາມຂ່າວ,ແລະກ່າວວ່າຈະຊ່ວຍເຫຼືອມຽນມາໃນການກູ້ໄພແລະຟື້ນຟູຄືນໃໝ່
cri
Author: d
ຕາມຂ່າວCRI: ວັນທີ5ພຶດສະພານີ້,ທ່ານຫູຈິນທາວ ປະທານປະເທດຈີນໄດ້ສົ່ງໂທລະເລກໄປຍັງພົນເອກທັນສະເວ ປະທານຄະນະກຳມະການສັນຕິພາບແລະການພັດທະນາແຫ່ງຊາດມຽນມາ,ເພື່ອສະແດງຄວາມເຫັນໃຈອັນຈິງໃຈແລະຄວາມຢື້ຢ້າມຖາມຂ່າວອັນເລິກເຊິ່ງຕໍ່ປະຊາຊົນມຽນມາ ໂດຍສະເພາະແມ່ນຜູ່ປະສົບໄພ.
ທ່ານຫູຈິນທາວກ່າວວ່າ,ຈີນມຽນມາແມ່ນປະເທດບ້ານໃກ້ເຮືອນຄຽງທີ່ມີໄມຕີຈິດຕໍ່ກັນ. ຈີນຍິນດີສະໜອງການຊ່ວຍເຫຼືອວຽກງານກູ້ໄພໃຫ້ມຽນມາ,ເຊື່ອວ່າ ລັດຖະບານແລະປະຊາຊົນມຽນມາຈະສາມາດຜ່ານຜ່າຄວາມເສຍຫາຍຍ້ອນໄພພະຍຸໂດຍໄວ,ແລະຟື້ນຟູການຜະລິດແລະຊີວິດການເປັນຢູ່ໃຫ້ເປັນປົກກະຕິໂດຍໄວ.
ມື້ດຽວກັນ,ທ່ານເວີນເຈຍປາວ ນາຍົກລັດຖະມົນຕີຈີນກໍ່ໄດ້ສົ່ງໂທລະເລກຢື້ຢາມຖາມຂ່າວໄປຍັງທ່ານເຕັນເຊນ ນາຍົກລັດຖະມົນຕີມຽນມາ.
|
|
