|
|
 |
| (GMT+08:00)
2008-05-08 09:55:46
|
 |
|
ຈີນແລະຍີ່ປຸ່ນເຜີຍແຜ່ຖະແຫລງການຮ່ວມກ່ຽວກັບການຊຸກຍູ້ການພົວພັນຍຸດທະສາດທີ່ໃຫ້ຜົນປະໂຫຍດແກ່ກັນຢ່າງຮອບດ້ານ
cri
ຕາມຂ່າວ cri: ວັນທີ 7 ພຶດສະພານີ້ ຢູ່ໂຕກຽວ ທ່ານຫູຈີນທາວ ປະທານປະເທດຈີນທີ່ໄປຢ້ຽມຢາມຍີ່ປຸ່ນກັບທ່ານຟູຄູດາ ຢາຊືໂອ ນາຍົກລັດຖະ ມົນຕີຍີ່ປຸ່ນໄດ້ເຊັນຖະແຫລງການຮ່ວມລະຫວ່າງຈີນກັບຍີ່ປຸ່ນກ່ຽວກັບການ ຊຸກຍູ້ການພົວພັນຍຸດທະສາດທີ່ໃຫ້ຜົນປະໂຫຍດແກ່ກັນຢ່າງຮອບດ້ານ, ນີ້ແມ່ນເອກະສານການເມືອງ ລະຫວ່າງຈີນກກັບຍີ່ປຸ່ນສະບັບທີ 4.
ຖະແຫລງການຮ່ວມກ່າວວ່າ, ສອງຝ່າຍເປັນເອກະສັນກັນເຫັນວ່າ,ການພົວພັນລະຫວ່າງຈີນຍີ່ປຸ່ນແມ່ນຫນຶ່ງໃນບັນດາການພົວພັນລະຫວ່າງສອງຝ່າຍທີ່ສຳຄັນທີ່ສຸດເວົ້າສຳລັບສອງປະເທດແລ້ວ, ສັນຕິພາບ ມິດຕະພາບແລະການຮ່ວມມືກັນແລະຍາວນານນັ້ນແມ່ນທາງເລືອກພຽງອັນດຽວຂອງທັງສອງຝ່າຍ.ສອງຝ່າຍຕັດສິນໃຈຊຸກຍູ້ການພົວພັນຍຸດທະສາດທີ່ໃຫ້ຜົນປະໂຫຍດແກ່ກັນ,ບັນລຸເປົ້າຫມາຍອັນສູງສົ່ງທີ່ໃຫ້ຈີນຍີ່ປຸນຢູ່ຮ່ວມກັນໂດຍສັນຕິ ມີມິດຕະພາບຕໍ່ກັນທຸກເຊັ່ນຄົນ ຮ່ວມມືກັນແບບຕ່າງຝ່າຍຕ່າງມີຜົນປະໂຫຍດແລະພ້ອມກັນພັດທະນາ.
ສອງຝ່າຍຮັບຮອງວ່າ, ສອງປະເທດເປັນຄູ່ຮ່ວມມືເຊິ່ງກັນແລະກັນ, ບໍ່ ຂົ່ມຂູ່ກັນ.ສອງຝ່າຍກ່າວຢ້ຳວ່າ, ສະຫນັບສະຫນູນການພັດທະນາໂດຍສັນຕິຂອງຝ່າຍກົງກັນຂ້າມ, ຍຶດຫມັ້ນແກ້ໄຂບັນຫາລະຫວ່າງສອງປະເທດໂດຍຜ່ານການປຶກສາຫາລືແລະການເຈລະຈາກັນ.ຝ່າຍຍີ່ປຸ່ນກ່າວຢ້ຳວ່າຈະສືບຕໍ່ຍຶດຫມັ້ນຫລັກຫມັ້ນກ່ຽວກັບບັນຫາໄຕ້ຫວັນທີ່ລະບຸໄວ້ໃນຖະແຫລງການຮ່ວມຍີ່ປຸ່ນຈີນ.ສອງຝ່າຍຕົກລົງວ່າ, ສ້າງຂອບການສົນທະນາແລະການຮ່ວມມືກັນ, ເພີ່ມຄວາມໄວ້ເນື້ອເຊື່ອໃຈທາງການເມືອງເຊິ່ງກັນແລະກັນ,ພ້ອມກັນທຸ່ມເທເຫື່ອແຮງເຂົ້າໃນການພັດທະນາຂອງພາກພື້ນອາຊີປາຊິກຟິກ,ພ້ອມກັນຮັບມືກັບບັນຫາທົ່ວໂລກ.
ຕອນບ່າຍວັນທີ 7 ພຶດສະພານີ້, ຢູ່ໂຕກຽວ, ທ່ານຫູຈີນທາວໄດ້ພົບປະກັບຜູ່ນຳຂອງພັກການເມືອງສຳຄັນຕ່າງໆຂອງຍີ່ປຸ່ນ.ທ່ານຊີ້ອອກວ່າ, ຖະແຫລງການຮ່ວມກ່ຽວກັບການຊຸກຍູ້ການພົວພັນຍຸດທະສາດທີ່ໃຫ້ຜົນປະໂຫຍດແກ່ກັນຢ່າງຮອບດ້ານທີ່ສອງປະເທດຈີນກັບຍີ່ປຸ່ນປະກາດວ່າຈະເສີມຂະຫຍາຍບົດບາດສຳຄັນຕໍ່ການຂະຫຍາຍພົວພັນລະຫວ່າງຈີນຍີ່ປຸ່ນໃນອະນາຄົດ.
|
|
|
