|
ຕາມຂ່າວCRI：ວັນທີ 8 ພຶດສະພານີ້, ຢູ່ທີ່ປັກກິ່ງ, ທ່ານສິນກ່າງ ໂຄສົກກະຊວງການຕ່າງປະເທດຈີນປະກາດວ່າ, ເພື່ອຊ່ອຍລັດຖະບານແລະປະຊາຊົນມຽນມາຮັບມືກັບໄພພາຍຸໃຕ້ຝຸ່ນ, ລັດຖະບານຈີນໄດ້ໃຫ້ຄວາມຊ່ອຍເຫຼືອສຸກເສີນເປັນມູນຄ່າ 1 ລ້ານໂດລາແກ່ມຽນມາແລ້ວ. ແຕ່ຍ້ອນມຽນມາປະສົບໄພຢ່າງໜັກໜ່ວງ, ເພື່ອສະແດງຄວາມມີໄມຕີຈິດຂອງລັດຖະບານແລະປະຊາຊົນຈີນທີ່ມີຕໍ່ປະຊາຊົນມຽນມາ, ລັດຖະບານຈີນຕົກລົງໃຫ້ຄວາມຊ່ອຍເຫຼືອອີກທີ່ເປັນມູນຄ່າ 30 ລ້ານຢວນແກ່ລັດຖະບານມຽນມາ.
ໃນກອງປະຊຸມຂ່າວປະຈຳທີ່ຈັດຂຶ້ນໃນວັນທີ 8 ເດືອນນີ້, ທ່ານສິນກ່າງຍັງແຈ້ງວ່າ, ເມື່ອສະພາກາແດງຈີນແລະສະມາຄົມມິດຕະພາບກັບຕ່າງປະເທດຂອງຈີນຮູ້ຂ່າວວ່າມຽນມາປະສົບໄພແລ້ວ, ຕ່າງກໍ່ໄດ້ໃຫ້ຄວາມຊ່ອຍເຫຼືອ 3 ໝື່ນໂດລາແລະ 1 ໝື່ນໂດລາແກ່ມຽນມາ, ບໍລິສັດນ້ຳມັນເຊື້ອໄຟມະຫາສະໝຸດຈີນປະກາດວ່າຈະໃຫ້ຄວາມຊ່ອຍເຫຼືອທີ່ເປັນມູນຄ່າ 1 ແສນໂດລາແກ່ມຽນມາ. ອົງການປົກຄອງແຂວງຢຸນນານ ເຂດກວາງຊີ, ສະຫະພັນແມ່ຍິງທົ່ວປະເທດຈີນ, ມູນນິທິຫຼຸດຜ່ອນຄວາມທຸກຍາກຈີນ, ແລະບໍລິສັດບໍ່ແຮ່ໂລຫະມີສີຂອງຈີນກໍ່ກຽມໃຫ້ຄວາມຊ່ອຍເຫຼືອສຸກເສີນແກ່ມຽນມາເຊັ່ນດຽວກັນ.
ລັດຖະບານຈີນຕົກລົງໃຫ້ຄວາມຊ່ອຍເຫຼືອສຸກເສີນແກ່ມຽນມາອີກ 30 ລ້ານຢວນ
1 2
|
