ຕາມ​ຂ່າວCRI,ວັນ​ທີ9​ພຶດສ​ະພາ​ນີ້,ທ່ານ​ລີ​ເຄິ້ສຽງ ຮອງ​ນາ​ຍົກ​ລັດຖະມົນຕີ​ຈີນ​ກ່າ​ວວ່າ,ວຽກ​ງານ​ຈຸດ​ໜັກ​ໃນ​ປັດຈຸບັນ​ກໍ່​ແມ່ນ​ເຮັດ​ວຽກ​ການ​ປ້ອງ​ກັນ​ແລະ​ຄວບ​ຄຸມພະ​ຍາດ​ປາກ​ຕີນ​ມື​ເປັນ​ຕຸ່ມ​ໃຫ້​ດີ.

ທ່າ​ນລີ​ເຄິ້ສຽງ​ແມ່ນ​ກ່າວ​ຄວາມ​ນີ້​ໃນ​ກອງ​ປະຊຸມ​ຄົບ​ຄະນະ​ຂອງ​ຄະນະ​ກຳມະການ​ຂະ​ບວນການ​ອະນາ​ໄມ​ເພື່ອ​ຮັກ​ຊາດ​ທົ່ວ​ປະ​ເທດ​ຈີນ​ຊຸດ​ໃໝ່​ທີ່​ຈັດ​ຂຶ້ນ​ຢູ່​ປັກ​ກິ່ງ.ຕົວ​ເລກ​ຫຼ້າ​ສຸດ​ໃນ​ວັນ​ທີ9​ພຶດ​ສະ​ພາ​ນີ້​ສະ​ແດງ​ໃຫ້​ເຫັນ​ວ່າ,ທົ່ວ​ປະ​ເທດ​ຈີນມີ​ເກືອບ25000​ຄົນ​ໄດ້​ຕິດພະ​ຍາດ​ປາກ​ຕີນ​ມື​ເປັນ​ຕຸ່ມ,​ໃນ​ນັ້ນມີ​ເດັກ​ນ້ອຍ​ທີ່​ເປັນ​ພະ​ຍາດ34​ຄົນ​ເສ​ຍຊີວິດ.​ໂຄສົກ​ກະຊວງ​ສາທາລະນະ​ສຸກ​ຈີນ​ຊີ້​ອອກ​ວ່າ,​ປັດ​ຈຸ​ບັນ,​ສະ​ພາບ​ຕິດ​ພະ​ຍາດ​ດັ່ງ​ກ່າວ​ໃນ​ທົ່ວ​ປະ​ເທດ​ຈີນ​ຍັງ​ບໍ່​ທັນ​ມີ​ສະພາບ​ປັ່ນ​ປ່ວນ​ຫຼາຍ,ຜ່ານ​ຈາກ​ມາດ​ຕະ​ການ​ເພີ່ມ​ທະວີ​ການ​ປ້ອງ​ກັນ​ແລະ​ຄວບ​ຄຸມ​ຢ່າງ​ບັງ​ເກີດ​ຜົນ​ກໍ່​ຈະ​ຄວບ​ຄຸມ​ສະພາບ​ຕິດ​ພະ​ຍາດ​ໄດ້​ດີ.