|
|
 |
| (GMT+08:00)
2008-05-13 18:52:23
|
|
ສະຫນາມກິລາງານກິລາໂອລິມປິກປັກກິ່ງບໍ່ໄດ້ຖືກກະທົບກະເທືອນຈາກແຜ່ນດິນໄຫວທີ່ເກີດຂຶ້ນຢູ່ແຂວງເຊສວນ
cri
ຕາມຂ່າວສານຊີວຮວາ: ວັນທີ 12 ພຶດສະພານີ້ ເມືອງເວີ້ນຊວນແຂວງເຊສວນຂອງຈີນໄດ້ເກີດແຜ່ນດິນໄຫວຄວາມແຮງ 7.8 ລິກເຕີ,ເຖິງວ່າຢູ່ປັກກິ່ງກໍ່ຍັງຮູ້ສຶກເຖິງແຮງສັ່ນສະເທືອນຂອງແຜ່ນດິນໄຫວກໍ່ຕາມ, ແຕ່ນັກຂ່າວໄດ້ຊາບວ່າ, ສະຫນາມກິລາຕ່າງໆຂອງງານກິລາໂອລິມປິກປັກກິ່ງບໍ່ໄດ້ຖືກແຜ່ນດິນໄຫວກະທົບກະເທືອນ.
ທ່ານຖຽນສຽວຊຸ່ນ ຜູ່ບັນຊາການໂຄງການສະຫນາມກິລາແຫ່ງຊາດທີ່ມີຮູບເປັນຄືຮັງນົກບອກວ່າ, ແຜ່ນດິນໄຫວຢູ່ເມືອງເວີ້ນຊວນສົ່ງຜົນສະເທືອນມາຮອດປັກກິ່ງມີແຕ່ 3.9 ລິກເທຕີເທົ່ານັ້ນ, ບໍ່ມີການກະທົບຫຍັງເລີຍຕໍ່ສະຫນາມກິລາຮັງນົກ.
ຂ່າວແຈ້ງວ່າ, ກ່ອນກໍ່ສ້າງສະຫນາມກິລາທັງຫມົດຢູ່ເຂດປັກກິ່ງ,ລ້ວນແຕ່ມີການສຳຫລວດຄວາມປອດໄພດ້ານແຜ່ນດິນໄຫວ.ສູນລອຍນ້ຳແຫ່ງຊາດຫລືກ້ອນນ້ຳສີ່ຫລ່ຽມກໍ່ແມ່ນອອກແບບສ້າງຕາມມາດຕະຖານທີ່ສາມາດຕ້ານກັບແຜ່ນດິນໄຫວຂັ້ນ 8 ລິກເຕີໄດ້.
|
|
|
