ຕາມ​ຂ່າວCRI: ວັນ​ທີ14ພຶດສະພາ​ນີ້ ​ໃນ​ເວລາ​ໃຫ້​ສຳພາດ​ຕໍ່​ວິທະຍຸCRI ທ່ານ​ຈັ່ງ​ສຽວ​ນິງ ຜູ່​ຮັບຜິດຊອບ​ທີ່​ກ່ຽວຂ້ອງ​ຂອງ​ກົມ​ກູ້​ໄພ​ກະຊວງ​ການ​ປົກຄອງ​ແລະ​ປະຊາ​ສົງ​ເຄາະ​ຈີນ​ກ່າວ​ວ່າ,ນັບ​ມາ​ຮອດ​ເວລາ16​ໂມງ​ວັນ​ທີ14ພຶດສະພາ​ນີ້,ຕູບຜ້າ​ເຕັ້ນ8 ພັນ​ອັນ​ແລະ​ຜ້າ​ຫົ່ມນວມ5ໝື່ນ​ຜືນ​ໄດ້​ສົ່ງ​ໄປ​ຮອດ​ເຂດ​ປະສົບ​ໄພ​ແຜ່ນດິນ​ໄຫວ​ເຊ​ສວນ.

ທ່ານ​ຈັ່ງ​ສຽວ​ນິງ​ແນະນຳ​ວ່າ,​ວັດຖຸ​ກູ້​ໄພ​ອື່ນໆ​ກໍ່​ຈະ​ສົ່ງ​ໄປ​ຮອດ​ເຂດ​ປະສົບ​ໄພ​ຕໍ່​ເນື່ອງ​ກັນ.ຄາດ​ວ່າ​ກ່ອນ24​ໂມງຄ່ຳ​ມື້​ນີ້,ຍັງຈະມີ​ຕູບຜ້າ​ເຕັ້ນ2ໝື່ນ5650ອັນ​ຈະ​ສົ່ງ​ໄປ​ຮອດ​ເມືອງ​​ເສີນ​ຕູ່.​ວັດຖຸ​ຊ່ວຍ​ເຫຼືອ​ອື່ນໆ​ກໍ່​ຈະ​ສົ່ງ​ໄປ​ຮອ​ດ​ເຂດ​ປະສົບ​ໄພ​ໃນ​ມື້​ອື່ນ.