|
ການຢ້ຽມຢາມເອີລົບຕາເວັນອອກຂອງທ່ານເຈຍຊີ້ງລີນມີຜົນສະທ້ອນອັນເລິກເຊິ່ງຍາວໄກຕໍ່ການປັບປຸງການພົວພັນຄູ່ຮ່ວມມືຍຸດທະສາດຮອບດ້ານຈີນເອີລົບ
cri
Author: mo
ຕາມຂ່າວCRI: ວັນທີ 15 ພຶດສະພານີ້, ທ່ານເຈຍຊີ້ງລີນ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ສີ້ນສຸດການຢ້ຽມຢາມ 4 ປະເທດເອີລົບຕາເວັນອອກ ແລ້ວກັບຄືນມາຮອດປັກກິ່ງ. ທ່ານວາງເຊີ້ງຫົງ ຮອງເລຂາທິການຂອງສະພາປຶກສາການເມືອງປະຊາຊົນແຫ່ງຊາດຈີນທີ່ຕິດຕາມການຢ້ຽມຢາມໃຫ້ສຳພາດຕໍ່ສື່ມວນຊົນວ່າ, ການຢ້ຽມຢາມເທື່ອນີ້ຈະມີຜົນສະທ້ອນທີ່ຕັ້ງໜ້າເລິກເຊິ່ງຍາວໄກຕໍ່ການພົວພັນຄູ່ຮ່ວມມືຍຸດທະສາດຮອບດ້ານຈີນເອີລົບ.
ແຕ່ວັນທີ 4 ຫາວັນທີ 14 ພຶດສະພານີ້, ທ່ານເຈຍຊີ້ງລີນໄດ້ດຳເນີນການຢ້ຽມຢາມມິດຕະພາບຢ່າງເປັນທາງການຕໍ່ລູມານີ ຮົງກາລີ ສະໂລເວັນນີ ແລະກະໂລອັດຕີ. ທ່ານວາງເຊີ້ງຫົງແຈ້ງໃຫ້ຊາບວ່າ, ຜົນສຳເລັດຕົ້ນຕໍຂອງການຢ້ຽມຢາມເທື່ອນີ້ແມ່ນໄດ້ເພີ່ມຄວາມໄວ້ເນື້ອເຊື່ອໃຈດ້ານການເມືອງ, ເປີດກວ້າງການຮ່ວມມືທາງເສດຖະກິດການຄ້າ, ບັນລະຍາຍທັດສະນະຄະຕິກ່ຽວກັບການພັດທະນາໂດຍສັນຕິ, ຕັ້ງໜ້າເປີດກວ້າງຊ່ອງທາງການແລກປ່ຽນແລະອື່ນໆ, ການຢ້ຽມຢາມເທື່ອນີ້ໄດ້ບັນລຸຈຸດໝາຍທີ່ບູລະນະມິດຕະພາບໃຫ້ໝັ້ນຄົງ, ລົງເລິກຄວາມໄວ້ເນື້ອເຊື່ອໃຈກັນ, ເປີດກວ້າງການຮ່ວມມືແລະຕ່າງຝ່າຍຕ່າງໄດ້ຮັບຜົນປະໂຫຍດ, ໄດ້ເພີ່ມຄວາມຊີວິດຊີວາໃໝ່ເຂົ້າໃນການພົວພັນຈີນກັບ 4 ປະເທດດັ່ງກ່າວ.
|
|
