|
|
 |
| (GMT+08:00)
2008-05-15 10:16:10
|
 |
|
ລູກກຳພ້າກຳພອຍຍ້ອນແຜ່ນດິນໄຫວຂອງແຂວງເຊສວນຈີນຮັບການເບິ່ງແຍງຈາກວົງການຕ່າງໆ
cri
Author: mo
ຕາມຂ່າວCRI：ແຜ່ນດິນໄຫວທີ່ເກີດຂຶ້ນຢູ່ເມືອງເວີນຊວນແຂວງເຊສວນໃນວັນທີ 12 ພຶດສະພານີ້ໄດ້ເຮັດໃຫ້ໝື່ນກວ່າຄົນເສຍຊີວິດແລ້ວ, ແລະກໍ່ໄດ້ເຮັດໃຫ້ເດັກນ້ອຍຫຼາຍຄົນກາຍເປັນລູກກຳພ້າກຳພອຍ. ເດັກນ້ອຍເຫຼົ່ານີ້ໄດ້ຮັບການເບິ່ງແຍງພິເສດຈາກບຸກຄົນໃນວົງການຕ່າງໆຂອງຈີນ.
ວັນທີ 13 ພຶດສະພານີ້, ທ່ານເວີ່ນເຈຍປາວ ນາຍົກລັດຖະມົນຕີຈີນໄດ້ໄປຢ້າມຢາມເດັກນ້ອຍ 10 ກວ່າຄົນທີ່ເສຍພໍ່ແມ່ຍ້ອນໄພແຜ່ນດິນໄຫວທີ່ຖືກຈັດວາງຢູ່ສະໜາມກິລາເມືອງມຽນຢາງ. ທ່ານເວີ່ນເຈຍປາວເວົ້າກັບພວກເດັກນ້ອຍດ້ວຍສຽງແຄ້ນວ່າ:"ຂ້າພະເຈົ້າຄວນເບິ່ງແຍງພວກເຈົ້າໃຫ້ດີ." ທ່ານເວີ່ນເຈຍປາວກ່າວວ່າ, ພວກເຈົ້າລອດຕາຍແລ້ວ, ກໍ່ຕ້ອງດຳລົງຊີວິດເປັນຢ່າງດີ, ມີຄວາມຫຍຸ້ງຍາກຫຍັງ, ລັດຖະບານຈະຊ່ອຍແກ້ໄຂ.
ຕາມຂ່າວແຈ້ງວ່າ, ໂດຍມີນາງຢາງລານ ກຳມະການສະພາປຶກສາການເມືອງປະຊາຊົນແຫ່ງຊາດຈີນລິເລີ່ມ, ສະຫະພັນແມ່ຍິງແຫ່ງຊາດຈີນໄດ້ຕົກລົງສ້າງ"ມູນນິທິລາຍຈຳເພາະທີ່ຊ່ອຍລູກກຳພ້າກຳພອຍຍ້ອນແຜ່ນດິນໄຫວຂອງເວີນຊວນ."
ນອກນີ້, ວັນທີ 14 ພຶດສະພານີ້, ບໍລິສັດຫຸ້ນສ່ວນປະກັນໄພເຢີນເຊົ້າຈີນຈຳກັດປະກາດວ່າ, ບໍລິສັດດັ່ງກ່າວຈະຫາບແບກຄ່າໃຊ້ຈ່າຍທີ່ກ່ຽວຂ້ອງຂອງລູກກຳພ້າກຳພອຍທີ່ເສຍພໍ່ແມ່ຍ້ອນແຜ່ນດິນໄຫວເທື່ອນີ້ແຕ່ດຽວນີ້ຮອດອາຍຸ 18 ປີ, ປັດຈຸບັນ, ບໍລິສັດດັ່ງກ່າວພວມປຶກສາລາຍລະອຽດກັບພະແນກການປົກຄອງແລະປະຊາສົງເຄາະຂອງທ້ອງຖິ່ນ.
|
|
|
