|
|
 |
| (GMT+08:00)
2008-05-15 10:46:11
|
 |
|
ສູນກາງຈີນໄຂກອງປະຊຸມອີກເທື່ອໜຶ່ງເພື່ອຈັດວາງວຽກງານກູ້ໄພ
cri
Author: mo
ຕາມຂ່າວCRI：ວັນທີ 14 ພຶດສະພານີ້, ຄະນະກຳມະການປະຈຳກົມການເມືອງສູນກາງພັກກອມມູນິດຈີນໄດ້ໄຂກອງປະຊຸມອີກເທື່ອໜຶ່ງ, ເພື່ອຄົ້ນຄວ້າຈັດວາງວຽກງານກູ້ໄພແຜ່ນດິນໄຫວຕື່ມອີກ. ທ່ານຫູຈີນທ່າວ ເລຂາທິການໃຫຍ່ສູນກາງພັກກອມມູນິດຈີນເປັນປະທານກອງປະຊຸມ.
ກອງປະຊຸມຊີ້ອອກວ່າ, ໃນແຜ່ນດິນໄຫວເທື່ອນີ້, ມີຄົນເສຍຊີວິດແລະບາດເຈັບຢ່າງຫຼວງຫຼາຍ, ວຽກງານກອບກູ້ມີຄວາມຫຍຸ້ງຍາກຫຼາຍ. ແຫ່ງຕ່າງໆຕ້ອງຖືວຽກງານກູ້ໄພແຜ່ນດິນໄຫວເປັນໜ້າທີ່ສຳຄັນກວ່າໝູ່ແລະຮີບດ່ວນກວ່າໝູ່ໃນປັດຈຸບັນ. ຕ້ອງເອົາການກອບກູ້ປະຊາຊົນຜູ້ປະສົບໄພໄວ້ຢູ່ຖານະອັນດັບໜຶ່ງ, ຂໍແຕ່ວ່າມີຄວາມຫວັງໜ້ອຍດຽວ, ກໍ່ຕ້ອງສຸດຄວາມພະຍາຍາມໄປກອບກູ້. ຕ້ອງຈັດວາງຊີວິດການເປັນຢູ່ຂອງມວນຊົນໃນເຂດປະສົບໄພໃຫ້ດີດ້ວຍທຸກວິທີ, ສືບຕໍ່ຫ້າງຫາ ແລະຂົນສົ່ງເຄື່ອງຊ່ວຍເຫຼືອທີ່ເຂດປະສົບໄພຕ້ອງການດ່ວນຄືອາຫານ ນ້ຳດື່ມ ສົ້ງເສື້ອ ຜ້າຫົ່ມ ແລະຕູບຜ້າເຕັ້ນເປັນຕົ້ນ. ຕ້ອງເລັ່ງລັດສ້ອມແປງໂຄງລ່າງພື້ນຖານເຊັ່ນເສັ້ນທາງ ໄຟຟ້າ ແລະໂທລະຄົມເປັນຕົ້ນ, ເພື່ອຮັບປະກັນວຽກງານກູ້ໄພດຳເນີນໄປຢ່າງສະດວກ.
ສູນກາງພັກກອມມູນິດຈີນຍັງຮຽກຮ້ອງປະຊາຊົນທົ່ວປະເທດສາມັກຄີກັນຢ່າງແໜ້ນແຟ້ນກວ່າເກົ່າ, ອອກແຮງສຸດຂີດສະໜັບສະໜູນເຂດປະສົບໄພ, ໃຊ້ການກະທຳຕົວຈິງປະກອບສ່ວນເຂົ້າໃນວຽກງານກູ້ໄພແຜ່ນດິນໄຫວ.
|
|
|
