|
|
 |
| (GMT+08:00)
2008-05-15 17:47:26
|
 |
|
ນັກທ່ອງທ່ຽວ6ພັນກວ່າຄົນທີ່ຄ້າງຢູ່ຈີວໄຈ້ໂກ່ວແຂວງເສສວນໄດ້ຮັບການຊ່ວຍເຫຼືອຢ່າງປອດໄພກາຍເຄິ່ງໜຶ່ງແລ້ວ
cri
Author: d
ຕາມຂ່າວສານຊິນຮວາ: ຕອນຂ້ອນແຈ້ງວັນທີ15ພຶດສະພານີ້ ໜ່ວຍນຳພາປະສານງານຕ້ານໄພແລະກູ້ໄພຂອງກົມທ່ອງທ່ຽວແຫ່ງຊາດຈີນລາຍງານວ່າ,ນັກທ່ອງທ່ຽວຈີນແລະຕ່າງປະເທດ6ພັນກວ່າຄົນທີ່ຄ້າງຢູ່ຈີວໄຈ້ໂກ່ວແຂວງເສສວນໄດ້ຮັບການຊ່ວຍເຫຼືອອອກມາ3ພັນກວ່າຄົນຢ່າງປອດໄພແລ້ວ,ສ່ວນເຫຼືອ2517ຄົນລວມທັງນັກທ່ອງທ່ຽວຕ່າງປະເທດ682ຄົນຈະພາອອກມາໃຫ້ໝົດພາຍໃນມື້ດຽວກັນ.
ວັນທີ15ພຶດສະພານີ້ ສະໜາມບິນຮວງໂຫຼງຈີວໄຈ້ທີ່ປິດຊົ່ວຄາວຍ້ອນແຜ່ນດິນໄຫວນັ້ນໄດ້ຟື້ນຟູການບິນຄືນແລ້ວ.ນັກທ່ອງທ່ຽວທີ່ຄ້າງຢູ່ສະໜາມບິນຮວງໂຫຼງຈີວໄຈ້ໄດ້ຂີ່ຍົນໄປໃນຕອນເຊົ້າມື້ດຽວກັນ.
ນອກນີ້,ຕອນບ່າຍວັນທີ15ພຶດສະພານີ້ ນັກທ່ອງທ່ຽວ33ຄົນທີ່ມາຈາກອັງກິດ ອາເມລິກາແລະຝຣັ່ງທີ່ຄ້າງຢູ່ເຂດທ່ອງທ່ຽວອົ້ວໂຫຼງແຂວງເສສວນ ໄດ້ຂີ່ຍົນເຮຣີກົບແຕທະຫານຈາກອົ້ວໂຫຼງໄປຮອດເມືອງເສີນຕູ່ຢ່າງປອດໄພແລ້ວ.
ວັນທີ15ພຶດສະພານີ້ ໜັງສືພິມເຢິນມິນຢື້ປ້າວພິມບົດຄວາມກ່ຽວກັບວຽກງານກູ້ໄພແຜ່ນດິນໄຫວໃນເສສວນໃນປະຈຸບັນ ໂດຍຂຽນວ່າ,ໃນດວງໃຈຂອງພັກແລະລັດຖະບານຈີນ,ໃນດວງໃຈຂອງຜູ່ກູ້ໄພໝົດທຸກຄົນ,ຊີວິດຂອງປະຊາຊົນສູງກວ່າ ສິ່ງອື່ນໃດ.
ວັນທີ14ພຶດສະພານີ້ ທ່ານເຮີ້ກົວະຊຽງ ກຳມະການປະຈຳກົມການເມືອງສູນກາງພັກກອມມູນິດຈີນ ເລຂາທິການຄະນະກຳມະການກວດກາວິໄນສູນກາງກ່າວວ່າ,ຈະເພີ່ມທະວີການຕິດຕາມກວດກາສະພາບການຄຸ້ມຄອງແລະໃຊ້ເງິນແລະເຄື່ອງຊ່ວຍເຫຼືອຕ້ານໄພແລະກູ້ໄພ,ຮັບປະກັນໃຫ້ເງິງມືປະຊາຊົນທີ່ປະສົບໄພໄວທີ່ສຸດ,ຈະລົງໂທດຢ່າງເຂັ້ມງວດຕໍ່ການສໍ້ລາດບັງຫຼວງ ການເອົາເງິນຈຳນວນໜຶ່ງມາເປັນຂອງສ່ວນຕົວ ກີດຂວາງເງິນ ຫຼືຍົກຍ້າຍເງິນໄປໃຊ້ໃນວຽກອື່ນ.
|
|
|
