|
ຈີນຕັ້ງຫນ້າຊອກຫາຊາວຕ່າງປະເທດທີ່ຢູ່ເຂດປະສົບໄພແຜ່ນດິນໄຫວ
cri
ຕາມຂ່າວ cri: ວັນທີ 15 ພຶດສະພາ ໃນກອງປະຊຸມຂ່າວ, ທ່ານຊິນກາງ ໂຄສົກກະຊວງການຕ່າງປະເທດຈີນກ່າວວ່າ, ຈີນພວມຕັ້ງຫນ້າຊອກຫາແລະຊ່ວຍເຫລືອຊາວຕ່າງປະເທດທີ່ຢູ່ເຂດປະສົບໄພແຜ່ນດິນໄຫວຂອງແຂວງເຊສວນ, ປັດຈຸບັນໄດ້ຊອກເຫັນນັກທ່ອງທ່ຽວຕ່າງປະເທດ 45 ຄົນ,ເຂົາເຈົ້າປອດໄພດີ.
ຕາມຂໍ້ມູນ, ປັດຈຸບັນ ຢູ່ໃນແຂວງເຊສວນ,ມີນັກທ່ອງທ່ຽວຕ່າງປະເທດທັງຫມົດ 93 ຄົນ.ນັບມາຮອດຕອນທ່ຽງວັນທີ 15 ພຶດສະພານີ້, ໄດ້ຊອກພົບຄົນອັງກິດ 31 ຄົນ, ຄົນອິສລາແອນ 2 ຄົນແລະຄົນອາເມລິກາ 12 ຄົນ, ເຂົາເຈົ້າປອດໄພດີ.
ທ່ານຊີນກາງກ່າວວ່າ, ກະຊວງການຕ່າງປະເທດຈີນຈະພ້ອມກັບສະຖານທູດຕ່າງປະເທດປະຈຳຈີນປະສານງານກັນຢ່າງແຫນ້ນແຟ້ນ, ແຈ້ງສະພາບແກ່ກັນຢ່າງທັນການ,ແລະສືບຕໍ່ປະສານງານກັບພາກສ່ວນທີ່ກ່ຽວຂ້ອງຂອງຈີນຊອກຫາຜູູ່ຫາຍສາບສູນ,ເພື່ອໃຫ້ການຊ່ວຍເຫລືອຢ່າງທັນການແກ່ຊາວຕ່າງປະເທດທີ່ຢູ່ເຂດປະສົບໄພ.
|
|
