|
|
 |
| (GMT+08:00)
2008-05-15 18:40:52
|
 |
|
ຫນ່ວຍກູ້ໄພໄດ້ກອບກູ້ 6 ຫມື່ນກວ່າຄົນຢູ່ເຂດປະສົບໄພແຜ່ນດິນໄຫວແລ້ວ
cri
ຕາມຂ່າວ cri:ວັນທີ 15 ພຶດສະພານີ້, ກອງບັນຊາການກູ້ໄພແຜ່ນດິນໄຫວແຂວງເຊສວນແຈ້ງໃຫ້ຊາບວ່າ, ນັບມາຮອດຕອນເຊົ້າວັນທີ 15 ພຶດສະພານີ້, ຫນ່ວຍກູ້ໄພໄດ້ກອບກູ້ 6 ຫມື່ນກວ່າຄົນຈາກເຂດປະສົບໄພ, ຜູ່ຖືກບາດເຈັບທັງຫມົດໄດ້ຮັບການປິ່ນປົວແລະເບິ່ງແຍງຢ່າງເຫມາະສົມ.
ຕອນຄ່ຳວັນທີ 14 ພຶດສະພານີ້ ທ່ານເວີ່ນເຈ່ຍປາວ ນາຍົກລັດຖະມົນຕີຈີນທີ່ພວມຊີ້ນຳການກູ້ໄພຢູ່ແຂວງເຊສວນໄດ້ປະຊຸມກັບຄະນະກອງບັນຊາການກູ້ໄພແຜ່ນດິນໄຫວຂອງລັດຖະບານ,ກ່າວເນັ້ນວ່າການຊ່ວຍຊີວິດຄົນແມ່ນວຽກບູລິມະສິດໃນການກູ້ໄພປັດຈຸບັນ, ແລະຕົກລົງສົ່ງຍົນເຮລິກົບແຕໄປເຂດປະສົບໄພອີກ 90 ລຳ,ເພື່ອການກູ້ໄພດ່ວນ.
ຕາມຂໍ້ມູນຂອງກະຊວງການປົກຄອງແລະປະຊາສົງເຄາະຈີນ,ນັບມາຮອດເວລາ 15 ໂມງ ຂອງວັນທີ 15 ພຶດສະພານີ້, ທົ່ວປະເທດໄດ້ຮັບເງິນແລະເຄື່ອງຊ່ວຍເຫລືອທີ່ວົງການຕ່າງໆໃນສັງຄົມບໍລິຈາກນັ້ນ 1 ຕື້ 340 ລ້ານຢວນ,ຕູບຜ້າເຕັນ 4 ຫມື່ນພືນແລະຜ້າຫົ່ມ 5 ຫມື່ນຜືນໄດ້ສົ່ງໄປຮອດເຂດປະສົບໄພແລ້ວ.ເຄື່ອງຊ່ວຍເຫລືອອື່ນໆຈະສົ່ງໄປຮອດເຂດປະສົບໄພໃນມື້ນີ້ແລະມື້ອື່ນ.
ແຜ່ນດິນໄຫວແຮງທີ່ເກີດຂຶ້ນຢູ່ເມືອງເວີ້ນຊວນແຂວງເຊສວນໃນວັນທີ 12 ພຶດສະພາໄດ້ເຮັດໃຫ້10 ລ້ານກວ່າຄົນໄດ້ຮັບຜົນກະທົບໂດຍກົງ,ນັບມາຮອດເວລາ 16 ໂມງຂອງວັນທີ 14 ພຶດສະພານີ້, ມີຜູ່ເສຍຊີວິດມີເກືອບ 1 ຫມື່ນ 9 ພັນຄົນ.
|
|
|
