|
|
 |
| (GMT+08:00)
2008-05-15 21:25:59
|
 |
|
ຜູ້ປະສົບໄພໂດຍກົງຢູ່ເຂດແຜ່ນດິນໄຫວໜັກໜ່ວງຂອງແຂວງເສສວນມີ 10 ລ້ານກວ່າຄົນ
cri
ຕາມຂ່າວສານຊິ່ນຮວາ: ພາກສ່ວນທີ່ກ່ຽວຂ້ອງແຈ້ງຂ່າວວ່າ, ຜູ້ປະສົບໄພໂດຍກົງຢູ່ເຂດແຜ່ນດິນໄຫວຮ້າຍແຮງເມືອງເວີ້ນຊ່ວນແຂວງເສສວນພາກຕາເວັນຕົກສຽງໃຕ້ຂອງຈີນໃນວັນທີ 12 ພຶດສະພານີ້ມີເຖິງ 10 ລ້ານກວ່າຄົນ.
ຕາມສະຖິຕິ, ນັບມາຮອດ 14 ໂມງຂອງວັນທີ 14 ພຶດສະພານີ້, ຜູ້ເສຍຊີວິດໃນແຜ່ນດິນໄຫວເພີ່ມຂຶ້ນຮອດ 14866 ຄົນ, ໃນນັ້ນ, ຢູ່ເສສວນມີ 14463 ຄົນ. ຕອນຄ່ຳວັນທີ 14 ພຶດສະພານີ້, ໃນລົດໄຟແລ່ນຈາກນະຄອນເຊີງຕູ່ໄປເຂດປະສົບໄພນະຄອນກວາງຢວນ, ທ່ານເວີ່ນເຈ່ຍປາວ ນາຍົກລັດຖະມົນຕີຈີນທີ່ພວມຊີ້ນຳການກູ້ໄພແຜ່ນດິນໄຫວຢູ່ແຂວງເສສວນໄດ້ຈັດກອງປະຊຸມຄະນະລັດຖະບານກ່ຽວກັບການບັນຊາການກູ້ໄພແຜ່ນດິນໄຫວ, ກ່າວເນັ້ນວ່າ, ການຊ່ອຍຊີວິດຄົນຍັງແມ່ນວຽກທີ່ສຳຄັນກວ່າເພິ່ນໃນປະຈຸບັນ, ກອງປະຊຸມໄດ້ຕົກລົງສົ່ງຍົນເຮລິກົບແຕອີກ 90 ລຳໄປເຂົ້າຮ່ວມການກອບກູ້ດ່ວນ.
ຕອນຂ້ອນແຈ້ງວັນທີ 15 ພຶດສະພານີ້, ທ່ານເວີ່ນເຈ່ຍປາວພ້ອມດ້ວຍຄະນະໄດ້ຂີ່ລົດໄຟເດີນທາງໄປຮອດເມືອງກວງຢວນ, ພາກເໜືອແຂວງເສສວນເພື່ອສຳຫຼວດສະພາບປະສົບໄພຢູ່ເມືອງຊິ່ງຊ່ວນທີ່ປະສົບໄພໜັກໜ່ວງ.
ນັບມາຮອດ 8 ໂມງວັນທີ 15 ພຶດສະພານີ້, ຈຳນວນພົນຈາກກອງທັບປົດປ່ອຍແລະຕຳຫຼວດປະກອບອາວຸດທີ່ເຂົ້າຮ່ວມການກູ້ໄພມີທັງໝົດ 1 ແສນ 3 ໝື່ນກວ່າຄົນ, ຍົນຂົນສົ່ງທະຫານແລະຍົນເຮີລິກົບແຕບິນໄປມາເກືອບ 300 ຖ້ຽວລຳ. ນອກນັ້ນ, ຍັງມີໜ່ວຍແພດ, ກອງດັບເພີງແລະກອງສ້ອມແປງຂົວທາງທີ່ມາຈາກແຫ່ງຕ່າງໆໃນທົ່ວປະເທດໄດ້ເຂົ້າໄປເຖິງທຸກນະຄອນແລະເມືອງທີ່ປະສົບໄພຢ່າງໜັກໜ່ວງຂອງແຂວງເສສວນແລ້ວ.
ນັບມາຮອດຕອນເຊົ້າວັນທີ 15 ພຶດສະພານີ້, ໜ່ວຍກູ້ໄພໄດ້ຊ່ອຍເຫຼືອຜູ້ບາດເຈັບ 6 ໝື່ນກວ່າຄົນແລ້ວ.
ນັບແຕ່ເມືອງເວີ້ນຊ່ວນແຂວງເສສວນເກີດແຜ່ນດິນໄຫວເປັນຕົ້ນມາ, ການເງິນສູນກາງຈີນໄດ້ເບີກເງິນກູ້ໄພສຸກເສີນທັງໝົດ 1 ຕື້ 110 ລ້ານຢວນໃຫ້ເຂດປະສົບໄພແລ້ວ. ຕາມສະຖິຕິຂອງກະຊວງການປົກຄອງແລະປະຊາສົງເຄາະຈີນ, ນັບມາຮອດ 16 ໂມງວັນທີ 14 ພຶດສະພານີ້, ທົ່ວປະເທດໄດ້ຮັບເງິນແລະເຄື່ອງບໍລິຈາກທີ່ມີມູນຄ່າເຖິງ 877 ລ້ານຢວນຈາກວົງການຕ່າງໆໃນທົ່ວປະເທດ.
|
|
|
