|
ທ່ານຫູຈີນທາວໄປເຂດປະສົບໄພແຜ່ນດິນໄຫວເສສວນຊີ້ນຳວຽກງານກູ້ໄພແຜ່ນດິນໄຫວ
cri
|
ຕາມຂ່າວສານຊິ່ນຮວາ: ຕອນເຊົ້າວັນທີ 16 ພຶດສະພານີ້, ທ່ານຫູຈີນທາວເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດຈີນ, ປະທານຄະນະກຳມະການທະຫານສູນກາງຈີນເດີນທາງດ້ວຍຍົນໄປຮອດເຂດປະສົບໄພແຜ່ນດິນໄຫວເສສວນເພື່ອຢື້ຢາມຖາມຂ່າວພະນັກງານແລະປະຊາຊົນຢູ່ເຂດປະສົບໄພ, ຢ້ຽມຢາມທະຫານ, ຕຳຫຼວດແລະພະນັກງານແພດທີ່ພວມເຮັດວຽກກູ້ໄພຢູ່ບ່ອນເກີດໄພແຜ່ນດິນໄຫວແລະຊີ້ນຳວຽກງານກູ້ໄພແຜ່ນດິນໄຫວ.
ທ່ານຫູຈີນທາວກ່າວເນັ້ນວ່າ, ດຽວນີ້, ການກອບກູ້ຊີວິດຄົນຍັງເວລາໜ້ອຍທີ່ສຸດແລ້ວ. ຕ້ອງແຂ່ງກັບເວລາແລະໃຊ້ທຸກວິທີ,ແກ້ໄຂຄວາມລຳບາກທຸກຢ່າງ, ພະຍາຍາມຍາດເອົາໄຊຊະນະໃນການກູ້ໄພ.
ທ່ານຫູຈີນທາວຊີ້ອອກວ່າ,ເຖິງວ່າດຽວນີ້ໄດ້ຜ່ານໄປ 72 ຊົ່ວໂມງຄືໄດ້ກາຍເວລາກູ້ຊີວິດຄົນທີ່ດີທີ່ສຸດນັ້ນແລ້ວ, ແຕ່ກໍ່ຍັງຕ້ອງຖືການກູ້ຊີວິດຄົນເປັນໜ້າທີດ່ວນທີ່ສຸດສຳຄັນທີ່ສຸດ, ພ້ອມກັນນັ້ນ, ກໍຕ້ອງປົວຜູ້ບາດເຈັບໃຫ້ດີ, ຟື້ນຟູພື້ນຖານໂຄງລ່າງເຊັ່ນຖະໜົນຫົນທາງ, ການສື່ສານ, ໄຟຟ້າເປັນຕົ້ນ, ແກ້ໄຂບັນຫາຮັບປະກັນຊີວິດພື້ນຖານຂອງປະຊາຊົນໃຫ້ດີ.
1 2
|
|
