ຕາມ​ຂ່າວສາ​ນຊິນ​ຮວາ,ທີ​ມຊ່ວຍ ​ກູ້​ໄພ​31​ຄົນ​ຂອງ​ຍີ​ປຸ່ນຟ້າວ​ເດີນທາງ​ທັງ​ເວັນ​ທັງ​ຄືນ​​ແລ​ະ​ໄດ້​ໄປ​ຮອດ​ເມືອງ​ນ້ອຍ​ກ່ວນ​ຈ່ວງ​ຕາ​ແສງ​ຊິ່ງ​ຊ່ວນ​ເມືອງ​ກວງ​ຢວນ​ເຊິ່ງ​ເປັນ​ເຂດ​ປະ​ສົບ​ໄພ​ຮ້າຍ​ແຮງ​ເຂດ​ໜຶ່ງ​ຈາກ​ແຜ່ນດິນ​ໄຫວ​ແຂວງ​ເສ​ສວນ​ຈີນ​ໃນ​ເວລາ9​ໂມງ45​ນາທີ​ຂອງ​ວັນ​ທີ​16​ພຶດ​ສະ​ພາ​ນີ້.ນີ້​ແມ່ນ​ທິມກູ້​ໄພ​ ທິມທຳ​ອິດ​ຂອງ​ຕ່າງປະ​ເທດ​ໄປ​ຮ່ວມ​ການ​ກູ້​ໄພ​ຢູ່​ເຂດ​ ແຜ່ນ​ດິນ​ໄຫວ​ແຂວງ​ເສ​ສວນ​.

ທີມກູ້ໄພຍີ່ປຸ່ນໄປຮອດເຂດປະສົບໄພແຜ່ນດິນໄຫວເສສວນ

ນອກ​ນີ້,ທິມ​ກູ້​ໄພ​ຂອງ​ສ​ເກົາຫຼີ55​ຄົນ​ຄາດ​ວ່າ​ຈະ​ໄປຮອດ​ນະ​ຄອນ​ເສິງ​ຕູ່​ໃນ​ເວລາ​ປະ​ມານ​16​ໂມງ30ນາທີ​ຂອງ​ວັນ​ທີ16​ພຶດສະພາ​ນີ້.

ທີ​ມກູ້​ໄພ​ສິ່ງ​ກະ​ໂປ​ 55​ຄົນ​ທີ່​ປະ​ກອບ​ເຄື່ອງ​ວັດ​ແທກ​ທີ່​ກ້າວ​ໜ້າ​ແລະ​ໝາ​ກູ້​ໄພ​4​ໂຕ​ກໍ່​ຈະ​ໄປ​ຮອດ​ນະຄອນ​ເສິງ​ຕູ່​ໃນ​ເວລາ​ປະ​ມານ​17​ໂມງ​ຂອງ​ວັນ​ທີ​16​ພຶດ​ສະ​ພາ​ນີ້.

ທິມ​ກູ້​ໄພ​ຂອງຣັດ​ເຊຍ​ກໍ່​ຈະຂີ່​ຍົນ​ໄປຮອດ​ເຂດ​ແຜ່ນດິນ​ໄຫວ​ໃນ​ວັນ​ທີ​16​ພຶດ​ສະ​ພາ​ນີ້.

ກ່ອນ​ໜ້າ​ນີ້,​ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຈີນ​ກ່າວ​ວ່າ,​ລັດ​ຖະ​ບານ​ຈີນ​ປະ​ຕິ​ບັດ​ຕາມ​ຫຼັກ​ການ​ທີ່​ວ່າ​ປະ​ເທດ​ໃກ້​ຄຽງ ​ຊ່ວຍ​ເຫຼືອ​ໄດ້​ໄວ,​ໄດ້​ເຫັນ​ດີ​ໃຫ້ ​ຍີ່​ປຸ່ນ,​ຣັດ​ເຊຍ,​ສ​ເກົາ​ຫຼີ​ແລະ​ສິງ​ກະ​ໂປ​ສົ່ງ​ທິມ​ກູ້​ໄພ​ໄປ​ຊ່ວຍກູ້​ໄພ​ຢູ່​ເຂດ​ປະ​ສົບ​ໄພ​ແຜ່ນ​ດິນ​ໄຫວ​ແຂວງ​ເສ​ສວນ​.