ຕາມ​ຂ່າວCRI: ຕອນ​ເຊົ້າ 7 ​ໂມງ​ເຄິ່ງຂອງ​ວັນ​ທີ 17 ພຶດສະພາ​ນີ້, ​ໄຟ​ສັກສິດ​ຂອງງານ​ກິລາ​ໂອ​ລິ​ມປິກ​ປັກ​ກິ່ງ​ໄດ້​ສົ່ງ​ຕໍ່ຢູ່​ນະຄອນ​ເວີ່ນ​ໂຈ​ວ​ແຂວງ​ເຈີ້​ຈ່ຽງຈີນ.

ໃນ​ພິທີ​ເລີ່​ມ​ແລ່ນ, ໝົດ​ທຸກ​ຄົນ​ໄດ້​ໄວ້ອາ​ໄລ​ໜຶ່ງ​ນາທີ​ຕໍ່​ຜູ້​​ເສຍ​ຊີວິດ​ໃນ​ເຂດ​ປະສົບ​ໄພ​ແຜ່ນດິນ​ໄຫວ​ແຂວງ​ເສ​ສວນ. ທ້າວ​ຈ້າ​ນຊູ້​ກ່າງ ຜູ້​ສົ່ງ​ຕໍ່ທວນ​ໄຟ​ຜູ້​ທຳ​ອິດ​ໄດ້​ຕາງໜ້າ​ຜູ້​ສົ່ງ​ຕໍ່ທັງ​ໝົດ​ຂອງ​ນະ​ຄອນ​ເວີ່ນ​​ໂຈວກ່າວຄຳ​ປາ​ໄສ​, ລາວ​ຮຽກຮ້ອງ​ໃຫ້​ໄທ​ເມືອງຫຼາຍກວ່າ​ເກົ່າ​ຍື່ນ​ມື​ຊ່ອຍ​ເຫຼືອ​ເຂດ​ປະສົບ​ໄພ, ຊ່ອຍ​ປະຊາຊົນ​ເຂດ​ປະສົບ​ໄພ​ຫຼຸດພົ້ນ​ອອກ​ຈາກ​ສະພາບ​ຫຍຸ້ງຍາກດ້ວຍ​ຄວາມ​ຮັກ​ແພງ​ຂອງ​ຕົນ.

ການ​ສົ່ງ​ຕໍ່​ທວນ​ໄຟ​ຢູ່​ນະຄອນ​ເວີ່ນ​​ໂຈ​ວມີ​ໄລຍະຍາວ 11,66 ກິ​ໂລ​ແມັດ, ລວມມີ​ 108 ຄົນ​ເຂົ້າຮ່ວມ​ການ​ສົ່ງ​ຕໍ່.