​

ຕາມ​ຂ່າ​ວສານ​ຊິນ​ຮວາ: ນັບ​ມາ​ຮອດ​ເວລາ 21 ​ໂມງວັນ​ທີ 19 ພຶດສະພາ​ນີ້, ຢູ່​ເຂດ​ປະສົບໄພ​ແຜ່ນດິນ​ໄຫວຂອງ​ແຂວງ​ເສ​ສວນ​ຈີນ​ບໍ່​ມີການລາຍ​ງານ​ກ່ຽວ​ກັບ​ການ​ລະບາດ​ຂອງພະຍາດ​ຮ້າຍ​ແຮງ​ແລະ​ບັນຫາ​ສາທາລະນະ​ສຸກ​ສຸກ​ເສີນ​ໃດໆ.

​ເພື່ອ​ຟື້ນ​ຟູ​ວຽກ​ງານ​ລາຍ​ງານພະຍາດ​ຕິດ​ແປດ​ແລະ​ບັນຫາ​ສາທາລະນະ​ສຸກສຸກ​ເສີນ​ທີ່​ເກີດ​ຂຶ້ນຢູ່​ເຂດ​ປະສົບ​ໄພ​ຈຸດ​ໜັກ​​ແຂວງ​ເສ​ສວນ​ໂດຍ​ໄວ, ກ່ອນ​ລະບົບ​ລາຍ​ງານ​ທາງ​ອິນ​​ເຕີ​ເນັດ​ຟື້ນ​ຟູ​ຂຶ້ນ, ​ເຂດ​ປະສົບ​ໄພ​​ແຂວງ​ເສ​ສວນ​ຈະ​ນຳ​ໃຊ້​ໂທລະສັບ​ມື​ຖື​ລາຍ​ງານ​​ເຫດການ​ແຜ່​ລະບາຍ​ຂອງ​ພະຍາດ​ຮ້າຍ​ແຮງ​ແລະ​ບັນຫາ​ສາທາລະນະ​ສຸກ​ສຸກ​ເສີນ​ໂດຍ​ກົງ. ວິທີ​ລາຍ​ງານ​ດ້ວຍ​ໂທລະສັບ​ມື​ຖື​ຈະ​ຟື້ນ​ຟູ​ການ​ຕິດຕາມ​ສະພາ​ບການ​ພະຍາດ​ປະມານ 10 ລ້ານ​ຄົນ​ໃນ 10 ວັນ​ເທື່ອ​ລະ​ກ້າວ. ກະຊວງ​ສາທາລະນະ​ສຸກ​ຈະ​ສົ່ງ​ໂທລະສັບ​ມື​ຖື 400 ໜ່ວຍ​ທີ່​ສັງຄົມ​ບໍລິຈາກ​ໄປ​ນະຄອນ​ເສີງ​ຕູ່, ພ້ອມ​ກັນ​ນັ້ນ​ຈະ​ແຕ່ງ​ຜູ້​ຊ່ຽວຊານ​ທີ່​ກ່ຽວຂ້ອງ​ໄປ​ແຂວງ​ເສ​ສວນ​ເພື່ອ​ດຳ​ເນີນ​ວຽກ​ງານ​ການ​ອົບຮົມ​ດ້ານ​ເຕັກນິກ.