|
ສິ່ງກໍ່ສ້າງນີວເຄຼຍພົນລະເຮືອນແລະແຫຼ່ງແຜ່ລັງສີຢູ່ເຂດປະສົບແຜ່ນດິນໄຫວແຂວງເສສວນຈີນລ້ວນແຕ່ຢູ່ໃຕ້ສະພາບປອດໄພແລະຄວບຄຸມໄດ້
cri
Author: cai
ຕາມຂ່າວສານຊີນຮວາ:ວັນທີ 20 ພຶດສະພານີ້,ຢູ່ນະຄອນເຊີງຕູ່ແຂວງເສສວນຈີນ,ທ່ານໂຈ່ເຊິ່ງຊຽນ ລັດຖະມົນຕີວ່າການກະຊວງອະນຸລັກສິ່ງແວດລ້ອມຈີນກ່າວວ່າ,ພາຍຫຼັງເມືອງເວິ້ນຊ່ວນແຂວງເສສວນເກີດແຜ່ນດິນໄຫວຮ້າຍແຮງມານີ້,ຍ້ອນໄດ້ຮັບການປ້ອງກັນແລະຄວບຄຸມຢ່າງທັນການ,ສິ່ງກໍ່ສ້າງນີວເຄຼຍພົນລະເຮືອນແລະແຫຼ່ງແຜ່ລັງສີໃນແຂວງເສສວນລ້ວນແຕ່ຢູ່ໃຕ້ສະພາບປອດໄພແລະຄວບຄຸມໄດ້.
ຕາມລາຍງານວ່າ,ໃນໄພແຜ່ນດິນໄຫວເທື່ອນີ້,ແຫຼ່ງແຜ່ລັງສີ 32 ໜ່ວຍທີ່ຖືກຝັງຢູ່ໃນຊາກອາຄານນັ້ນ,ປະຈຸບັນໄດ້ເກັບຄືນ 30 ໜ່ວຍແລ້ວ,ອີກ 2 ໜ່ວຍໄດ້ສຳຫຼວດຮູ້ບ່ອນຢູ່ລະອຽດແລ້ວແລະໄດ້ຂີດກຳນົດເຂດປ້ອງກັນຄວາມປອດໄພຢູ່ອ້ອມຂ້າງ,ຈັດວາງລະດັບເຕືອນໄພ,ຜູ້ຊ່ຽວຊານແຫຼ່ງແຜ່ລັງສີຂອງພາກສ່ວນອະນຸລັກສິ່ງແວດລ້ອມພວມອອກແຮງສຸດຂີດເພື່ອລົບລ້າງຊາກອາຄານແລະສົ່ງແຫຼ່ງແຜ່ລັງສີອີກ 2 ໜ່ວຍໄປບ່ອນປອດໄພໃນໄວໆນີ້.
|
|
