ຕາມ​ຂ່າວສານ​ຊິນ​ຮວາ: ການ​ເງິນ​ສູນ​ກາງ​ຈີນ​ໄດ້​ຕົກລົງ​ຈະ​ເບີກຄ່າ​ຄອງ​ຊີບ600​ຢວນຕໍ່​ຄົນຕໍ່​ເດືອນ​ໃຫ້​ແກ່ລູກ​ກຳພ້າກຳ​ພອຍ, ​ຜູ່ເຖົ້າ​​ແກ່​ປ່ຽວພອຍ ​ແລະ ຄົນ​ພິການ​ ​ຢູ່​ເຂດ​ປະສົບ​ໄພ​ແຜ່ນດິນ​ໄຫວ​​ເວີ້​ນຊວນ ​ແຂວງ​ເສ​ສວນ​ເພື່ອ​ຮັບປະກັນ​ຊີວິດ​ພື້ນຖານ​ຂອງ​ເຂົາ​ເຈົ້າ.

ວັນ​ທີ20​ພຶດສະພາ​ນີ້,​ ໃນ​ກອງ​ປະຊຸມ​ຂ່າວ​ຂອງ​ຫ້ອງການ​ຖະ​ແຫຼ​ງຂ່າວ​ລັດຖະບານ​ຈີນຢູ່​ທີ່​ປັກ​ກິ່ງ, ທ່ານ​ນາງຈ່ຽງລີ້ ລັດຖະມົນຕີ​ຊ່ວຍ​ວ່າການ​ກະຊວງການ​ປົກຄອງ​ແລະ​ປະຊາ​ສົງ​ເຄາະຈີນ​ແນະນຳ​ວ່າ, ປັດຈຸບັນ, ​ໄດ້​ຊອກ​ພົບຄົນ3​ປະ​ເພດ,ດັ່ງກ່າວ​ນີ້​124ຄົນ​,​ໃນ​ນັ້ນ​ມີ​​ເດັກກຳພ້າກຳພອຍ70​ກວ່າ​ຄົນ ​ແລະ ​ຜູ່​ເຖົ້າ​ແກ່​ປ່ຽວພອຍ40​ກວ່າ​ຄົນ. ​ໃນ​ຕໍ່ໜ້າ,​ແຂວງ​ເສ​ສວນ​ຈະ​ສ້າງ​ສິ່ງ​ກໍ່ສ້າງ​ສະຫວັດ​ດີກາ​ນຈຳນວນ​ໜຶ່ງ​ຄືນ​ໃໝ່, ​ໃຫ້​ເດັກ​ກຳພ້າກຳພອຍ, ​ຜູ່ເຖົ້າ​​ແກ່​ປ່ຽວພອຍ ​ແລະ ຄົນ​ພິການ​ຊົມ​ໃຊ້​ການ​ເບິ່ງ​ແຍງທີ່​ລັດຖະບານ​ສະໜອງ​ໃຫ້ຢູ່​ໂຮງ​ສະຫວັດດີ​ການ.