|
ຕາມຂ່າວCRI:ຈີນຈະສະໜອງການຊ່ວຍເຫຼືອດ້ານຊີວິດການເປັນຢູ່ເປັນການຊົ່ວຄາວໃຫ້ແກ່ປະຊາຊົນຜູ່ປະສົບໄພແຜ່ນດິນໄຫວເມືອງເວີ້ນຊວນ.
ວັນທີ21ພຶດສະພານີ້, ກະຊວງການປົກຄອງ ແລະ ປະຊາສົງເຄາະຈີນໄດ້ແຈ້ງໃຫ້ຊາບວ່າຈະສະໜອງການກອບກູ້ຊ່ວຍເຫຼືອດ້ານຊີວິດການເປັນຢູ່ເປັນການຊົ່ວຄາວໃຫ້ແກ່ປະຊາຊົນປະສົບໄພແຜ່ນດິນໄຫວຢູ່ແຂວງເສສວນ,ແຂວງສານຊີ່,ແຂວງກ່ານຊູ້,ນະຄອນຈົ່ງກິ່ງ ແລະ ແຂວງຢູນນານ, ລວມທັງການເບີກເງິນອຸດໜູນ ແລະ ອາຫານສົງເຄາະ. ມາດຕະຖານອຸດໜູນແມ່ນ:ແຕ່ລະຄົນໄດ້ຮັບເງິນອຸດໜູນ10ຢວນ ແລະ ອາຫານສຳເລັດຮູບເຄິ່ງກິໂລຕໍ່ມື້, ເວລາສະໜອງການອຸດໜູນແມ່ນ3ເດືອນ. ມາດຕະຖານອຸດໜູນຕໍ່ເດັກກຳພ້າກຳພອຍ, ຜູ່ເຖົ້າແກ່ປ່ຽວພອຍ ແລະ ຄົນພິການແມ່ນ ຄ່າຄອງຊີບ600ຢວນຕໍ່ຄົນຕໍ່ເດືອນ,ເວລາສະໜອງການອຸດໜູນແມ່ນ3ເດືອນ.
ເພື່ອຮັບປະກັນວັດຖຸຊ່ວຍເຫຼືອຊີວິດການເປັນຢູ່ເຫຼົ່ານີ້ສາມາດແຈກຢາຍຢ່າງສະດວກ, ກະຊວງການປົກຄອງ ແລະ ວິຊາສົງເຄາະຈີນຮຽກຮ້ອງໃຫ້ພາກສ່ວນທີ່ກ່ຽວຂ້ອງຂອງເຂດປະສົບໄພຕ້ອງເພິ່ມທະວີການຄຸ້ມຄອງຕໍ່ການເບີກເງິນອຸດໜູນ ແລະ ອາຫານສົງເຄາະໃຫ້ປະຊາຊົນທີ່ຊີວິດມີຄວາມຫຍຸ້ງຍ້ອນໄພແຜ່ນດິນໄຫວ, ໄລ່ລຽງເປັນບັນຊີພິເສດ, ຖ້າຫາກປະກົດມີການກະທຳລະເມີດກົດລະບຽບ, ຈະລົງໂທດຕາມກົດໝາຍ.
|
