ຕາມ​ຂ່າວ​ສານ​ຊິນ​ຮວາ​: ວັນ​ທີ 21 ພຶດສະພາ​ນີ້ິຢູ່​ທີ່​ປັກ​ກິ່ງ, ທ່ານ​ເວີນ​ເຈ່ຍ​ປາວ ນາຍົກລັດຖະມົນຕີຈີນກ່າວ​ວ່າ, ປັດຈຸບັນ​ຕ້ອງ​ເຮັດ​ວຽກ​ຕ້ານ​ໄພ​ກູ້​ໄພ​ທັງ​ພັດທະນາ​ເສດຖະກິດ​ຢ່າງ​ບໍ່ລົດ​ລະ​ໄປ​ພ້ອມ​ກັນ.
ວັນ​ທີ 21 ພຶດສະພາ​ນີ້, ທ່ານ​ເວີນ​ເຈ່ຍ​ປາວ​ເປັນ​ປະທານ​​ກອງ​ປະຊຸມ​ຄະນະປະຈຳ​ ​ຂອງ​ລັດຖະບານ, ຄົ້ນຄວ້າ​ແລະ​ຈັດ​ວາງ​ວຽກ​ງານ​ຕ້ານ​ໄພ​ກູ້​ໄພ​ແລະ​ວຽກ​ງານເສດຖະກິດ.

ກອງ​ປະຊຸມ​ກ່າວ​ເນັ້ນ​ວ່າ, ຕ້ອງ​​ອອກ​ແຮງສຸດ​ຂີດເຮັດ​ວຽກ​ຕ້າ​ນ​ໄພ​ກູ້​ໄພ​ໃຫ້​ດີ, ສືບ​ຕໍ່​ຊອກຫາ​ແລະ​ກອບ​ກູ້​ຜູ້​ປະສົບ​ຄວາມ​ຫຍຸ້ງຍາກ, ສົ່ງຜູ້​ບາດ​ເຈັບ​ໜັກ​ໄປ​ປິ່ນປົວ​ຢູ່ໂຮງໝໍ​ທີ່​ມີ​ເງື່ອນ​​ໄຂ​ອ່າວ​ດີ​ໂດຍ​ໄວ​ແລະ​ເພີ່ມ​ທະວີ​ວຽກ​ງານ​ປ້ອງ​ກັນ​ພະຍາດ​ຢູ່​ເຂດ​ປະສົບ​ໄພ. ​ເຮັດ​ວຽກ​ເບິ່ງ​ແຍງ​ປະຊາຊົນທີ່​ປະສົບ​ໄພ​ໃຫ້​ດີ, ຮັບປະກັນ​ໃຫ້​ປະຊາຊົນທີ່​ປະສົບ​ໄພ​ມີອາຫານກິນ, ມີ​ເສື້ອ​ນຸ່ງ​ແລະ​ມີ​ນ້ຳ​ດື່ມ​ສະອາດ​ແລະ​ມີ​ບ່ອນ​ພັກ​ຢ່າງ​ປອດ​ໄພ; ຕ້ອງ​​​ເລັ່ງລັດສ້ອມ​ແປງ​ພື້ນຖານ​​ໂຄງ​ລ່າງ​ທີ່​ຖືກ​ທຳລາຍ​ໃນ​ໄພ​ແຜ່ນ​ດິນ​ໄຫວ, ປ້ອງ​ກັນ​ບໍ່​ໃຫ້​ໄພ​ຂຶ້ນ​ອີກ​ຍ້ອນ​ແຜ່ນດິນ​ໄຫວ​ສ້າງ​ຄວາມ​ເສຍ​ຫາຍ​ໃໝ່, ​ຕ້ອງ​ວາງ​ແຜນ​ແລະ​ດຳ​ເນີນ​ວຽກ​ງານ​ຟື້ນ​ຟູ​ການ​ຜະລິດ​ແລະ​ການ​ສ້າງ​ບ້ານ​ແປງ​ເຮືອນ​ຄືນ​ໃໝ່​​ໃນ​ເວລາອັນ​ເໝາະ​ສົມ​ໂດຍ​ໄວ.ປີ​ນີ້ການ​ເງິນ​ສູນ​ກາງ​ຈີນ​ໄດ້​ຈັດ​ວາງ 70 ຕື້​ຢວນ​ເພື່ອ​ຕັ້ງ​ກອງ​ທຶນ​ຟື້ນ​ຟູ​ແລະ​ສ້າງສາ​ຄືນ​ໃໝ່​ຫຼັງ​ໄພ​ແຜ່ນດິນ​ໄຫວ,​ ປີໜ້າ​​ແລະ​ປີ​ຮືຈະ​ສືບ​ຕໍ່​ມີ​​ແຜນການ​ອີກ