|
|
 |
| (GMT+08:00)
2008-05-22 16:32:40
|
 |
|
ສຳພາດຂ່າວກ່ຽວກັບບັນຫາການພົວພັນລະຫວ່າງສອງຝັ່ງໃນປັດຈຸບັນ
cri
ຕາມຂ່າວສານຊິນຮວາ,ວັນທີ22ພຶດສະພານີ້,ທ່ານເສິນຢຸນລິນ ຫົວໜ້າຫ້ອງການວຽກງານໄຕ້ຫວັນສູນກາງພັກກອມມູນິດຈີນ ຫົວໜ້າຫ້ອງການວຽກງານໄຕຫວັນຂອງຄະນະລັດຖະບານຈີນໄດ້ໃຫ້ສຳພາດກ່ຽວກັບການພົວພັນລະຫວ່າງສອງຝັ່ງສ່ອງແຄບໄຕ້ຫວັນໃນປັດຈຸບັນ,ທ່ານຊີ້ອອກວ່າ,ພາຍໃຕ້ຄວາມພະຍາຍາມຮ່ວມຂອງພີ່ນ້ອງຮ່ວມຊາດສອງຝັ່ງ,ສະຖານະການໄຕ້ຫວັນໄດ້ເກີດມີການປ່ຽນແປງໄປໃນທາງທີ່ຕັ້ງໜ້າຢ່າງໃຫຍ່ຫຼວງ.ການພົວພັນລະຫວ່າງສອງຝັ່ງຂະຫຍາຍຕົວໂດຍສັນຕິໄດ້ກາຍເປັນຄວາມປາຖະໜາຮ່ວມແລະຜົນປະໂຫຍດຮ່ວມກັນຂອງພີ່ນ້ອງຮ່ວມຊາດສອງຝັ່ງ.
ທ່ານເສິນຢຸນລິນກ່າວວ່າ,ປັດຈຸບັນ,ການພົວພັນລະຫວ່າງສອງຝັ່ງໄດ້ປະກົດມີທ່າອ່ຽງທີ່ຂະຫຍາຍໄປດ້ວຍດີ.ພວກຂ້າພະເຈົ້າຈະສືບຕໍ່ຜັນຂະຫຍາຍທິດທາງລວມທີ່ຂະຫຍາຍການພົວພັນລະຫວ່າງສັງຝັ່ງ,ບັນລຸໃຫ້ປະເທດຊາດເປັນເອກະພາບໂດຍສັນຕິ,ສືບຕໍ່ຄັດຄ້ານແລະສະກັດກັ້ນການເຄື່ອນໄຫວແບ່ງແຍກໄຕ້ຫວັນອອກຈາກຈີນໃຫ້ເປັນເອກະລາດ,ສ້າງຄວາມຜາສຸກໃຫ້ແກ່ພີ່ນ້ອງຮ່ວມຊາດສອງຝັ່ງ,ສະແຫວງຫາສັນຕິພາບຂອງພາກພື້ນຊ່ອງແຄບໄຕ້ຫວັນ,ພະຍາຍາມສ້າງສະພາບໃໝ່ແຫ່ງການຂະຫາຍການພົວພັນລະຫວ່າງສອງຝັ່ງໂດຍສັນຕິ.
ທ່ານເສິນຢຸນລິນກ່າວວ່າ,ປັດຈຸບັນ,ເຈົ້າໜ້າທີ່ສອງຝັ່ງຊ່ອງແຄບໄຕ້ຫວັນພວມທຳຄວາມພະຍາຍາມຢ່າງຕັ້ງໜ້າເພື່ອຟື້ນຟູການເຈລະຈາບົນພື້ນຖານຄວາມເຫັນເປັນເອກະສັນກັນປີ1992,ແລະທຳການກະກຽມທີ່ກ່ຽວຂ້ອງ.ພວກຂ້າພະເຈົ້າຄອງຄອຍວ່າ,ພາຍຫຼັງຟື້ນຟູການເຈລະຈາຢ່າງເປັນທາງການແລ້ວ,ສອງຝ່າຍພະຍາຍາມຮ່ວມກັນ,ປຶກສາຫາລືກັນຢ່າງສະເໝີພາບກັນ,ແກ້ໄຂບັນຫາຕ່າງໆທີ່ພີ່ນ້ອງຮ່ວມຊາດໄຕ້ຫວັນສົນໃຈນັ້ນຢ່າງຕິດແທດຕົວຈິງ.
|
|
|
