|
ແຜ່ນດິນໄຫວຮ້າຍແຮ້ງເມືອງເວີ້ນຊວນແຂວງເສສວນຈີນເຮັດໃຫ້ມີ5ໝື່ນ5239ຄົນເສຍຊີວິດ
cri
ຕາມຂ່າວCRI,ວັນທີ23ພຶດສະພານີ້,ຢູ່ທີ່ປັກກິ່ງ,ທ່ານລີເສິງຢຸນ ຮອງເຈົ້າແຂວງແຂວງເສສວນຈີນກ່າວວ່າ,ນັບມາຮອດເວລາ19ໂມງວັນທີ22ພຶດສະພານີ້,ແຜ່ນດິນໄຫວຮ້າຍແຮງທີ່ເກີດຂຶ້ນຢູ່ເມືອງເວິ້ນຊວນແຂວງເສສວນໄດ້ເຮັດໃຫ້ແຂວງເສສວນມີຜູ່ເສຍຊີວິດ5ໝື່ນ5239ຄົນ,2ແສນ8ໝື່ນ1066ຄົນບາດເຈັບ,2ໝື່ນ4949ຄົນຫາຍສາບສູນ.
ໃນງານຖະແຫຼງຂ່າວຂອງຫ້ອງການຖະແຫຼງຂ່າວລັດຖະບານຈີນຈັດຂຶ້ນໃນວັນທີ23ພຶດສະພານີ້,ທ່ານລີເສິງຢຸນກ່າວວ່າ,ພາຍຫຼັງແຜ່ນດິນໄຫວເກີດຂຶ້ນແລ້ວ,ມີກອງທະຫານກູ້ໄພປະມານ1ແສນ4ໝື່ນກວ່າຄົນແລະພະນັກງານແພດໝໍເກືອບ5ໝື່ນຄົນຟ້າວເດີນທາງໄປເຂດປະສົບໄພ,ຊ່ວຍເຫຼືອ8ໝື່ນ4ພັນຄົນອອກຈາກຊາກອາຄານ.
ທ່ານລີເສິງຢຸນຍັງແຈ້ງໃຫ້ຊາບວ່າ,ຕາມສະຖິຕິທີ່ຍັງບໍ່ຄົບຖ້ວນ,ແຜ່ນດິນໄຫວເທື່ອນີ້ຍັງເຮັດໃຫ້ເຮືອນພັງທະລາຍແລະຖືກທຳລາຍຢ່າງໜັກໜ່ວງຫຼາຍກວ່າ10ລ້ານຫ້ອງ,ຫຼາຍລ້ານຄົນບໍ່ມີບ່ອນເພິ່ງພາອາໄສ.
|
|
