|
ຕາມຂ່າວcri:ວັນທີ24 ພຶດສະພານີ້,ຢູ່ປັກກິ່ງ,ທ່ານອູປ່າງກົວ ປະທານຄະນະປະຈຳສະພາປະຊາຊົນແຫ່ງຊາດຈີນແລະທ່ານເຈຍຊິ້ງລິນ ປະທານສະພາເປິກສາການເມືອງແຫ່ງຊາດຈີນຕ່າງໄດ້ພົບປະທ່ານເມດເວເດຟ ປະທານາທິບໍດີສະຫະພັນຣັດເຊຍ.
ທ່ານອູປ່າງກົວກ່າວວ່າ,ຝ່າຍຈີນໄດ້ວາງການຂະຫຍາການພົວພັນກັບຣັດເຊຍໄວ້ໃນຖານະບູລິມະສິດຂອງການທູດຈີນ,ຮັບປະກັນການພົວພັນລະຫວ່າງຈີນກັບຣັດເຊຍໃຫ້ຂະຫຍາຍຕົວອອກຢ່າງປອດໃສແລະໝັ້ນທ່ຽງໃນລະດັບສູງ.ທ່ານຫວັງໃຫ້ອົງການນິຕິບັນຍັດຈີນກັບຣັດເຊຍເພີ່ມທະວີການແລກປ່ຽນຕື່ມອີກ,ຮັດແໜ້ນການປະສານງານແລະສົມທົບກັນໃນອົງການຈັດຕັ້ງສະພາສາກົນແລະພາກພື້ນ.
ທ່ານເມດເວເດຟກ່າວວ່າ,ການຢ້ຽມຢາມຂອງທ່ານເທື່ອນີ້ ໄດ້ຮັບຜົນສຳເລັດອັນອຸດົມສົມບູນ,ການແລກປ່ຽນກັບອົງການນິຕິບັນຍັດແມ່ນພາກສ່ວນອັນສຳຄັນຂອງການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ,ຫວັງໃຫ້ສອງຝ່າຍສືບຕໍ່ເພີ່ມທະວີການສື່ສານແລະແລກປ່ຽນກັນ,ຊຸກຍູ້ຢ່າງຮອບດ້ານໃນການຮ່ວມມືໃນຂົງເຂດຕ່າງໆຄືເສດຖະກິດການຄ້າແລະມະນຸດສາດວັດທະນະທຳສັງຄົມມະນຸດເປັນຕົ້ນແລະການປະສານງານສົມທົບກັນໃນບັນຫາສາກົນ.
ໃນເວລາພົບປະທ່ານເມດເວເດຟ,ທ່ານເຈຍຊິ້ງລິນກ່າວວ່າ,ສະພາເປິກສາການເມືອງແຫ່ງຊາດຈີນຫວັງຮັດແໜ້ນການພົວພັນກັບສອງສະພາແລະສະພາມະຫາຊົນຂອງລັດຖະສະພາຣັດເຊຍຕື່ມອີກ,ພ້ອມກັນຊຸກຍູ້ການພົວພັນຄູ່ ຮ່ວມມືຍຸດທະສາດລະຫວ່າງຈີນກັບຣັດເຊຍໃຫ້ຂະຫຍາຍຕວົຢ່າງປອດໃສແລະໝັ້ນທ່ຽງໃນລະດັບສູງ.
|
