|
ກອງບັນຊາການກູ້ໄພຂອງລັດຖະບານຈີນຈັດກອງປະຊຸມຄັ້ງທີ 13 ຄົ້ນຄວ້າແລະຈັດວາງວຽກງານປ້ອງກັນພະຍາດ,ຕົກລົງສ້າງຫນ່ວຍວາງແຜນສ້າງສາຄືນໃຫມ່ຫລັງເກີດໄພ
cri
ຕາມຂ່າວສານຊີນຮວາ: ກອງບັນຊາການກູ້ໄພຂອງລັດຖະບານຈີນໄດ້ຈັດກອງປະຊຸມຄັ້ງທີ 13 ຢູ່ເທິງລົດໄຟໃນຕອນຄ່ຳວັນທີ 23 ພຶດສະພາ,ທ່ານເວີ່ນເຈຍປາວ ກຳມະການປະຈຳກົມການເມືອງສູນກາງພັກກອມມູນິດຈີນ ນາຍົກລັດຖະມົນຕີ ທັງເປັນຜູ່ບັນຊາການສູງສຸດຂອງກອງບັນຊາການກູ້ໄພແຜ່ນດິນໄຫວຂອງລັດຖະບານຈີນໄດ້ເປັນປະທານຈັດກອງປະຊຸມ.ກອງປະຊຸມໄດ້ຄົ້ນຄວ້າຈັດວາງວຽກງານປ້ອງກັນພະຍາດ,ແລະຕົກລົງສ້າງຕັ້ງຫນ່ວຍວາງແຜນສ້າງສາຄືນໃຫມ່ຫລັງເກີດໄພ.
ກອງປະຊຸມຊີ້ອອກວ່າ,ການຮັບປະກັນບໍ່ໃຫ້ເກີດພະຍາດລະບາດຮ້າຍແຮງຫລັງໄພພິບັດແມ່ນຫນ້າທີ່ຮີບດ່ວນທີ່ສຸດໃນສະເພາະຫນ້ານີ້, ຕ້ອງວ້າງໄວ້ຢູ່ໃນຖານະທີ່ພົ້ນເດັ່ນ.ຈະເຮັດວຽກລາຍນີ້ໃຫ້ດີຕ້ອງກຳວຽກງານ 4 ດ້ານທີ່ສຳຄັນ: ຫນຶ່ງຕ້ອງຮັບປະກັນໃຫ້ມີພະນັກງານດ້ານເຕັກນິກປ້ອງກັນພະຍາດແລະຜູ່ຕິດຕາມກວດກາຢ່າງພຽງພໍ;ສອງຕ້ອງຮັບປະກັນໃຫ້ມີຢາທີ່ຕ້ອງການໃຊ້ໃນການປ້ອງກັນພະຍາດຢ່າງພຽງພໍ;ສາມ, ຕ້ອງຕັດແຫລ່ງເຊື່ອມພິດ,ປ້ອງກັນບໍ່ໃຫ້ການເຊື່ອມພິດແຜ່ຂະຫຍາຍອອກ;ສີ່, ຕ້ອງຮັບປະກັນຄວາມປອດໄພດ້ານນ້ຳດຶ່ມແລະອາຫານ.
ກອງປະຊຸມຊີ້ອອກວ່າ, ການສ້າງສາຄືນໃຫມ່ຫລັງໄພພິບັດແມ່ນຫນ້າທີ່ອັນລຳບາກຍາວນານ,ກ່ອນອື່ນຕ້ອງວາງແຜນໃຫ້ດີ, ໃຕ້ການຊີ້ນຳຢ່າງມີວິທະ ຍາສາດຂອງຄະນະກຳມະການຊ່ຽວຊານກ່ຽວກັບແຜ່ນດິນໄຫວເວີ້ນຊ່ວນ,ຂ້ຽວວາງແຜນການລວມກ່ຽວກັບການສ້າງສາຄືນໃຫມ່ຫລັງເກີດໄພ,ຍາດແຍ່ງໃຫ້ສຳເລັດຜົນພາຍໃນສາມເດືອນ.
|
|
