|
ທ່ານຫູຈີນທາວກ່າວວ່າ,ການຈັດວາງປະຊາຊົນຜູ່ປະສົບໄພໃຫ້ດີແມ່ນຫນ້າທີ່ພົ້ນເດັ່ນກວ່າຫມູ່ໃນການກູ້ໄພ
cri
ຕາມຂ່າວສານຊີນຮວາ: ວັນທີ 25 ພຶດສະພານີ້,ທ່ານຫູຈີນທາວ ປະທານປະເທດຈີນກ່າວວ່າ, ການຈັດວາງການຢູ່ການກິນຂອງປະຊາຊົນຜູ່ປະສົບໄພໃຫ້ດີໄດ້ກາຍເປັນຫນ້າທີ່ພົ້ນເດັ່ນກວ່າຫມູ່ໃນການກູ້ໄພແລ້ວ.ທ່ານຫວັງໃຫ້ວິສາຫະກິດທີ່ຮັບຫນ້າທີ່ຜະລິດເຮືອນຢູ່ຊົ່ວຄາວແລະການປະກອບຕິດຕັ້ງນັ້ນຂ້ຽວຜະລິດ,ປະກອບສ່ວນເຂົ້າໃນການສ້າງບ້ານແປງເມືອງຄືນໃຫມ່ຂອງປະຊາຊົນຢູ່ເຂດປະສົບໄພ.
ປັດຈຸບັນ,ປະຊາຊົນຜູ່ປະສົບໄພແຜ່ນດິນໄຫວເວີ້ນຊວນເສສວນທີ່ຕ້ອງການມີບ່ອນພັກເຊົານັ້ນມີ 14 ລ້ານກວ່າຄົນ, ລັດຖະບານຈີນໄດ້ຕົກລົງວ່າ, ຄຽງຄູ່ກັບການສະຫນອງຕູບຜ້າເຕັ້ນຢ່າງຫລວງຫລາຍໃຫ້ເຂດປະສົບໄພນັ້ນ,ຍັງເບີກເງິນສະເພາະປຸກສ້າງເຮືອນຢູ່ຊົ່ວຄາວງວດທີຫນຶ່ງ 1 ລ້ານຊຸດຢູ່ເຂດປະສົບໄພ.
ທ່ານຫູຈີນທາວຍັງກ່າວເນັ້ນວ່າ, ປັດຈຸບັນ, ແຫ່ງຕ່າງໆທົ່ວປະເທດຈີນຕ້ອງອອກແຮງສະຫນັບສະຫນູວຽກງານກູ້ໄພ,ພ້ອມກັນນັ້ນຍັງຕ້ອງຮັກສາໃຫ້ເສດຖະກິດພັດທະນາເປັນຢ່າງດີ,ປົກປັກຮັກສາຄວາມກົມກຽວແລະສະຖຽນລະພາບຂອງສັງຄົມ.
ຕາມຕົວເລກທີ່ຫ້ອງການຖະແຫລງຂ່າວຄະນະລັດຖະບານຈີນເຜີຍແຜ່ສະແດງໃຫ້ເຫັນວ່າ, ນັບມາຮອດເວລາ 12 ໂມງຂອງວັນທີ 25 ພຶດສະພານີ້,ແຜ່ນດິນໄຫວເວີ້ນຊ່ວນໄດ້ເຮັດໃຫ້ 6 ຫມື່ນ 2 ພັນ 6 ຮ້ອຍ 64 ຄົນເສຍຊີວິດ, 3 ແສນ 5 ຫມື່ນ 8 ພັນ 8 ຮ້ອຍ 16 ຄົນບາດເຈັບ, 2 ຫມື່ນ 3 ພັນ 7 ຮ້ອຍ 75 ຄົນຫາຍສາບສູນ.
|
|
