|
ສະມາຊິກພັກກອມມູນິດຈີນສະໝັກເສຍຄ່າບຳລຸງພັກພິເສດເພື່ອກູ້ໄພແຜ່ນດິນໄຫວຫຼາຍກວ່າ1ຕື້700ລ້ານຢວນ
cri
ຕາມຂ່າວCRI,ວັນທີ26ພຶດສະພານີ້,ທ່ານໂອຢາງຊົງ ຮອງຫົວໜ້າຄະນະຈັດຕັ້ງສູນກາງພັກກອມມູນິດຈີນໄດ້ຖະແຫຼງໃນກອງປະຊຸມຂ່າວລັດຖະບານຈີນວ່າ,ພາຍຫຼັງເມືອງເວີ້ນຊ່ວນແຂວງເສສວນເກີດແຜ່ນດິນໄຫວແລ້ວ,ສະມາຊິກພັກກອມມູນິດຈີນໃນແຫ່ງຕ່າງໆທົ່ວປະເທດຈີນໄດ້ເສຍຄ່າບຳລຸງພັກພິເສດດ້ວຍຄວາມສະໝັກໃຈ,ເພື່ອສະໜັບສະໜູນການຕ້ານແລະກູ້ໄພແຜ່ນດິນໄຫວ,ນັບມາຮອດເວລາ12ໂມງວັນທີ26ພຶດສະພານີ້,ໄດ້ເສຍຄ່າບຳລຸງພັກພິເສດ1ຕື້773ລ້ານຢວນ.
ນອກນີ້,ເຂດທີ່ບໍ່ໄດ້ປະສົບໄພໃນທົ່ວປະເທດແລະທຸກພາກສ່ວນຂອງອົງການລັດຖະບານສູນກາງ,ວິສາຫະກິດສູນກາງໄດ້ຈັດຕັ້ງໜ່ວຍ ກູ້ໄພປະເພດຕ່າງໆ1600ໜ່ວຍ,ຈຳນວນຄົນມີເຖິງ5ໝື່ນ5000ກວ່າຄົນ,ໃນນັ້ນ,ສະມາຊິກພັກກອມມູນິດຈີນກວມເຄິ່ງໜຶ່ງຂຶ້ນໄປ.
ທ່ານໂອຢາງຊົງກ່າວວ່າ,ຕາມສະຖິຕິທີ່ຍັງບໍ່ທັນຄົບຖ້ວນ,ປັດຈຸບັນ,ຢູ່ເຂດປະສົບໄພມີພະນັກງານລະດັບຮອງເຈົ້າເມືອງຂຶ້ນໄປ 1ໝື່ນ7500ກວ່າຄົນ,ສະມາຊິກພັກກອມມູນິດຈີນເກືອບ2ລ້ານ3ແສນຄົນພວມເຮັດວຽກຢູ່ແນວໜ້າເພື່ອກູ້ໄພແຜ່ນດິນໄຫວ.
|
|
