|
|
 |
| (GMT+08:00)
2008-05-26 18:38:29
|
 |
|
ກົມການເມືອງສູນກາງພັກກອມມູນິດຈີນຄົ້ນຄວ້າຈັດວາງວຽກງານກູ້ໄພແຜ່ນດິນໄຫວແລະສ້າງສາຄືນໃໝ່
cri
ຕາມຂ່າວສານຊິນຮວາ,ກົມການເມືອງສູນກາງພັກກອມມູນິດຈີນໄດ້ໄຂກອງປະຊຸມໃນວັນທີ26ພຶດສະພານີ້,ຄົ້ນຄວ້າແລະຈັດວາງວຽກງານຕ້ານແລະກູ້ໄພແຜ່ນດິນໄຫວແລະສ້າງສາຄືນໃໝ່.ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນເປັນປະທານຈັດກອງປະຊຸມ.
ທີ່ປະຊຸມຊີ້ອອກວ່າ,ແຜ່ນດິນໄຫວຮຸນແຮງທີ່ສຸດທີ່ເກີດຂຶ້ນຢູ່ເມືອງເວີ້ນຊ່ວນແຂວງເສສວນແມ່ນແຜ່ນດິນໄຫວເທື່ອໜຶ່ງທີ່ທຳລາຍຮ້າຍແຮງກວ່າໝູ່,ສົ່ງຜົນກະທົບໄປເຖິງຂອບເຂດກວ້າງກວ່າໝູ່ແລະກູ້ໄພຍາກກວ່າໝູ່ນັບແຕ່ປະເທດຈີນໃໝ່ສະຖາປະນາມານີ້.ໃນປັດຈຸບັນ,ສະຖານະການກູ້ໄພແຜ່ນດິນໄຫວຍັງຂ້ຽວຂາດທີ່ສຸດ.ໃນຂະນະທີ່ສືບຕໍ່ເຮັດວຽກກູ້ເອົາຊີວິດປະຊາຊົນທີ່ຖືກຕິດຄ້າງນັ້ນ,ຕ້ອງຖືການຈັດວາງປະຊາຊົນຜູ່ປະສົບໄພ,ຟື້ນຟູການຜະລິດແລະການສ້າງສາຄືນໃໝ່ຫຼັງໄພພິບັດໄວ້ຢູ່ໃນຖານະພົ້ນເດັ່ນກວ່າເກົ່າ.
ທີ່ປະຊຸມຮຽກຮ້ອງໃຫ້ແຫ່ງຕ່າງໆແລະພາກສ່ວນຕ່າງໆມືໜຶ່ງຍຶດໝັ້ນກຳວຽກງານຕ້ານແລະກູ້ໄພ,ອີກມືໜຶ່ງກຳວຽກການພັດທະນາເສດຖະກິດສັງຄົມ,ອອກແຮງສຸດຂີດສະໜັບສະໜູນເຂດປະສົບໄພ,ຮັກສາໃຫ້ເສດຖະກິດພັດທະນາຢ່າງໝັ້ນທ່ຽງ ວ່ອງໄວ,ແລະສັງຄົມກົມກຽວກັນມີຄວາມສະຫງົບ,ເຮັດວຽກກະກຽມງານກິລາໂອລິມປິກແລະງານກິລາໂອລິມປິກຄົນພິການໃຫ້ດີຢ່າງແທ້ຈິງ,ເພື່ອໃຊ້ການກະທຳຕົວຈິງສະໜັບສະໜູນການຕ້ານແລະກູ້ໄພແຜ່ນດິນໄຫວ.
|
|
|
