|
ແຮງສັ່ນສະເທືອນຕາມມາຢູ່ເມືອງຊິງຊວນເຮັດໃຫ້8ຄົນເສຍຊີວິດ927ຄົນບາດເຈັບ
cri
ຕາມຂ່າວCRI,ວັນທີ26ພຶດສະພານີ້,ກອງປະຊຸມຂ່າວຂອງຫ້ອງການຖະແຫຼງຂ່າວລັດຖະບານຈີນແຈ້ງໃຫ້ຊາບວ່າ,ແຮງສັ່ນສະເທືອນຕາມມາຂອງແຜ່ນດິນໄຫວຂັ້ນ6,4ລິກເຕີທີ່ເກີດຂຶ້ນຢູ່ເມືອງຊິງຊວນໃນຕອນບ່າຍວັນທີ25ພຶດສະພານີ້ໄດ້ເຮັດໃຫ້ແຂວງເສສວນແຂວງກ່ານຊູແຂວງສ້ານຊີ ແລະນະຄອນຈຸ່ງກິ່ງມີ8ຄົນເສຍຊີວິດ,927ຄົນບາດເຈັບ.
ຕາມຕາຂ່າຍສະຖານີແຜ່ນດິນໄຫວແຫ່ງຊາດຈີນວັດແທກ,ເວລາ16ໂມງ21ນາທີຂອງວັນທີ25ພຶດສະພານີ້ ເວລາປັກກິ່ງ,ຢູ່ເມືອງຊິງຊວນແຂວງເສສວນໄດ້ເກີດແຮງສັ່ນສະເທືອນຕາມມາຂອງແຜ່ນດິນໄຫວຂັ້ນ6,4ລິກເຕີ.ນະຄອນເສິງຕູ່ ນະຄອນຈຸ່ງກິ່ງ ນະຄອນຊີອ່ານແລະແຫ່ງອື່ນໆໄດ້ຮູ້ສຶກແຮງສັ່ນສະເທືອນຢ່າງເດັ່ນຊັດ.
ນອກນີ້,ຕາມກົມແຜ່ນດິນໄຫວຈີນລາຍງານວ່າ,ນັບມາຮອດເວລາ12ໂມງວັນທີ26ພຶດສະພານີ້,ໄດ້ວັດແທກຢູ່ເຂດແຜ່ນດິນໄຫວຕົ້ນຕໍເມືອງເວິ້ນຊວນມີແຮງສັ່ນສະເທືອນຕາມມາຂັ້ນ4ລິກເຕີຂຶ້ນໄປ182ເທື່ອ,ໃນນັ້ນ,ຂັ້ນ6ລິກເຕີຂຶ້ນໄປ5ເທື່ອ.ແຮງສັ່ນສະເທືອນຕາມມາຂັ້ນ6,4ລິກເຕີທີ່ເກີດຂຶ້ນຢູ່ເມືອງຊິງຊວນແມ່ນແຮງສັ່ນສະເທືອນຮ້າຍແຮງກວ່າໝູ່ນັບແຕ່ເມືອງເວິ້ນຊວນເກີດແຜ່ນດິນໄຫວ8ລິກເຕີເມື່ອວັນທີ12ພຶດສະພາມານີ້.
|
|
