|
ທ່ານອູໂປສົງກ່າວເນັ້ນວ່າ, ສອງຝັ່ງຮ່ອມທະເລຂຂຶ້ນກັບປະຊາຊາດຈີນທັງນັ້ນ, ຕ່າງກໍ່ມີສາຍເລືອດດຽວກັນ,ໃຜກໍ່ປະຕິເສດບໍ່ໄດ້
cri
Author: mo
ຕາມຂ່າວCRI：ຕອນເຊົ້າວັນທີ 27 ພຶດສະພານີ້, ທ່ານອູໂປສົງ ປະທານພັກກົກມີນຕັງຈີນໄດ້ນຳພາຄະນະຢ້ຽມຢາມແຜ່ນດິນໃຫຍ່ຂອງພັກກົກມິນຕັງໄປຢ້ຽມຄຳນັບສຸສານຈົ່ງຊ່ານນະຄອນນານກິ່ງ, ຫຼັງຈາກນັ້ນທ່ານໄດ້ກ່າວຄຳປາໄສຢູ່ເດີ່ນໂປອ້າຍທີ່ຕັ້ງຢູ່ຕີນພູສຸສານຈົ່ງຊ່ານ, ທ່ານກ່າວເນັ້ນວ່າ, ສອງຝັ່ງຮ່ອມທະເລລ້ວນແຕ່ຂຶ້ນກັບປະຊາຊາດຈີນ, ມີສາຍເລືອດດຽວກັນ, ນີ້ແມ່ນເລື່ອງທີ່ບໍ່ມີໃຜລືບຖີ້ມໄດ້.
ທ່ານອູໂປສົງກ່າວວ່າ, ເທື່ອນີ້, ພັກກົກມີນຕັງຈີນແມ່ນມາຢ້ຽມຢາມຕາມຄຳເຊີນຂອງສູນກາງພັກກອມມູນິດຈີນແລະທ່ານຫູຈີນທ່າວ ເລຂາທິການໃຫຍ່ສູນກາງພັກ, ບ່ອນທຳອິດທ່ານກໍ່ມາຢາມນະຄອນນານກິ່ງໂລດ. ເພາະວ່ານະຄອນນານກີ່ງເຄີຍເປັນທີ່ຕັ້ງຂອງລັດຖະບານກົກມີນຕັງ, ໂດຍສະເພາະແມ່ນທ່ານຊຸນຢັດເຊັນ ທີ່ສອງຝັ່ງເຄົາລົບນັບຖືຮ່ວມກັນ ໄດ້ຝັງສົບຢູ່ແຫ່ງນີ້, ເວົ້າສຳລັບພັກກົກມິນຕັງແລ້ວແຫ່ງນີ້ແມ່ນບ່ອນກຳເນີດແລະມີຄວາມຮັກຜູກພັນເປັນພິເສດ. ທ່ານອູໂປສົງໄດ້ສະແດງຄວາມຂອບໃຈທີ່ສຸດນຳອົງການປົກຄອງນະຄອນນານກິ່ງທີ່ໄດ້ຮັກສາສຸສານຈົ່ງຊ່ານໄດ້ດີປານນີ້ແລະສວຍງາມປານນີ້. ທ່ານກ່າວວ່າ, ສອງຝັ່ງຕ້ອງຮັບຮູ້ປະຫວັດສາດ, ແລະຍອມຮັບສະພາບຕົວຈິງ, ບຸກເບີກອະນາຄົດ. ສຸສານຈົ່ງຊ່ານກໍ່ແມ່ນສິ່ງຢືນຢັນປະຫວັດສາດທີ່ດີທີ່ສຸດແຫ່ງໜຶ່ງ.
|
|
