|
|
 |
| (GMT+08:00)
2008-05-27 19:49:04
|
 |
|
ປະທານປະເທດຈີນເຈລະຈາກັບປະທານາທິບໍດີສ.ເກົາຫຼີ
cri
ຕາມຂ່າວCRI: ວັນທີ 27 ພຶດສະພານີ້, ຢູ່ທີ່ປັກກິ່ງ, ທ່ານຫູຈີນທາວ ປະທານປະເທດຈີນໄດ້ເຈລະຈາກັບທ່ານຫຼີມູງບັກ ປະທານາທິບໍດີສ.ເກົາຫຼີທີ່ມາຢ້ຽມຢາມ.
ທ່ານຫູຈີນທາວກ່າວວ່າ, ເມື່ອເມືອງເວີ້ນຊ່ວນແຂວງເສສວນຈີນເກີດແຜ່ນດິນໄຫວຮຸນແຮງແລ້ວ, ທ່ານປະທານາທິບໍດີໄດ້ຝາກໂທລະເລກຢື້ຢາມຖາມຂ່າວໃນທັນທີ, ແລະໄປໄວ້ອາໄລຢູ່ສະຖານທູດຈີນປະຈຳສ.ເກົາຫຼີ, ລັດຖະບານສ.ເກົາຫຼີຍັງໄດ້ໃຫ້ການຊ່ອຍເຫຼືອກູ້ໄພໂດຍດ່ວນ, ແລະໄດ້ສົ່ງໜ່ວຍກູ້ໄພມາຈີນ. ວົງການຕ່າງໆຂອງສ.ເກົາຫຼີກໍ່ໄດ້ບໍລິຈາກເງິນຢ່າງຫຼວງຫຼາຍ, ນີ້ໄດ້ສະແດງໃຫ້ເຫັນເຖິງຄວາມຮັກແພງອັນເລິກເຊິ່ງຂອງປະຊາຊົນສ.ເກົາຫຼີທີ່ມີຕໍ່ປະຊາຊົນຈີນ. ທ່ານຫູຈີນທາວຕາງໜ້າລັດຖະບານແລະປະຊາຊົນຈີນ, ໂດຍສະເພາະແມ່ນປະຊາຊົນເຂດປະສົບໄພສະແດງຄວາມຂອບອົກຂອບໃຈຢ່າງຈິງໃຈຕໍ່ທ່ານຫຼີມູງບັກ, ລັດຖະບານແລະປະຊາຊົນສ.ເກົາຫຼີ. ທ່ານຫູຈີນທາວກ່າວວ່າ, ທ່ານເຊື່ອໝັ້ນວ່າ, ການຢ້ຽມຢາມເທື່ອນີ້ແນ່ນອນຈະຊຸກຍູ້ການຮ່ວມມືຕິດແທດຕົວຈິງລະຫວ່າງຈີນກັບສ.ເກົາຫຼີໃນຂົງເຂດຕ່າງໆຢ່າງແຂງແຮງ, ຊຸກຍູ້ໃຫ້ການພົວພັນລະຫວ່າງສອງປະເທດຂະຫຍາຍໄປສູ່ລະດັບສູງກວ່າເກົ່າ.
ທ່ານຫຼີມູງບັກກ່າວວ່າ, ພາຍຫຼັງແຜ່ນດິນໄຫວໄດ້ເກີດຂຶ້ນຢູ່ເມືອງເວີ້ນຊ່ວນເກີດຂຶ້ນແລ້ວ, ໃນຖານະເປັນປະເທດໃກ້ຄຽງ, ສ.ເກົາຫຼີກໍ່ຮູ້ສຶກເສົ້າສະຫຼົກໃຈຫຼາຍ. ເຊື່ອວ່າ, ໃຕ້ການນຳພາຂອງລັດຖະບານຈີນແລະຄວາມສາມັກຄີຂອງປະຊາຊົນເຂດປະສົບໄພ, ເຂດປະສົບໄພແຂວງເສສວນແນ່ນອນຈະສາມາດສ້າງບ້ານຄືນໃໝ່ໂດຍໄວຢ່າງແນ່ນອນ. ຈີນກໍ່ສາມາດເອົາຊະນະຄວາມທຸກຍາກໂດຍໄວເທົ່າທີ່ຈະໄວໄດ້, ຈັດງານກິລາໂອລິມປິກຢ່າງສຳເລັດຜົນ.
|
|
|
